प्रभु बैंकको महोत्तरी जिल्लामा शाखा विस्तार

नयाँ विकल्प
प्रकाशित मिती: २०७४ फाल्गुन ७, ०६: ४५

महोत्तरी । स्थानीय तहमा शाखा कार्यालय सञ्चालनमा ल्याउने क्रममा प्रभु बैंकले महोत्तरी जिल्लाको एकडारा गाउँपालिकामा शाखा कार्यालय सञ्चालनमा ल्याएको छ । अख्तियार दुरुपयोग अनुसन्धान आयोगका आयुक्त राजनारायण पाठकले एक समारोहकाबीच बैंकको शाखा उद्घाटन गरे ।

शाखा कार्यालय उद्घघाटन कार्यक्रममा महोत्तरी जिल्लास्थित विभिन्न सरकारी कार्यालयका प्रतिनिधिहरु, विभिन्न राजनैतिक दलका प्रतिनिधीहरु, उद्योग वाणिज्य संंघ महोत्तरीका पदाधिकारीहरु, विभिन्न संघ संस्थाका प्रतिनिधिहरु, स्थानीय व्यापारी, बुद्धिजिवी लगायत ठूलो संख्यामा सर्वसाधारणको उपस्थिति रहेको थियो ।

कार्यक्रमका पाठकले बैंकको उक्त शाखा कार्यालय स्थापना पश्चात् त्यस क्षेत्रका सरकारी निकाय, व्यापारी, तथा आम सर्वसाधारणलाई सरल सहज रुपमा गुणस्तरीय बैंकिङ सेवा उपलब्ध हुने उल्लेख गरे । यस एकडारा शाखा कार्यालयबाट यहाँका स्थानीय सर्वसाधारणहरु, फर्म, कम्पनी तथा संघ संस्थाहरुले बैंकको गुणस्तरीय सेवा उपभोग गरी लाभान्वित हुने बैंकले जनाये । सो क्षेत्रको समग्र आर्थिक विकासमा टेवा पुग्ने बैंकले विश्वास लिएको जनायो ।