
नयाँ विकल्प,
काठमाडौं – अफगानिस्तानको सेनाले पश्चिम बदगिस प्रान्तमा तालिबान लडाकुले कब्जा गरेको सहर आफ्नो नियन्त्रणमा आएको दाबी गरेको छ ।
हिजो बुधवार दिउँसो तालिबानले कला–ए–नाव सहरका सरकारी भवन कब्जामा लिएर चार सय बन्दीलाई जेलबाट भगाएका थिए भने कैयौँ ठूला सरकारी भवन पनि नियन्त्रणमा राखेका थिए । तर घण्टौँसम्मको सङ्घर्षपछि सरकारी सेनाले आफूहरुले विजयी प्राप्त गरेको जनाएको बीबीसीले जनाएको छ ।
अमेरिकी सेना फिर्ता हुन थालेपछि तालिबानले कुनै पनि प्रान्तमा सिधै आक्रमण गरेको यो नै पहिलो घटना हो । तर सरकारी सेनाले विशेष बलसहितको हवाई आक्रमण गरेर क्षेत्र नियन्त्रणमा लिएको हो ।
स्पेसल फोर्स कमान्डर सैयद निजामीले आक्रमणमा तालिबानतर्फ ठूलो क्षति भएकाले आफुहरु उत्साहित रहेको बताए ।
अफगानिस्तानबाट अमेरिकी सेना फर्कन थालेसँगै तालिबानले आक्रमणका घटना बढाएको छ । आउँदो सेप्टेम्बर ११ तारिखसम्म सबै अमेरिकी सैनिक स्वदेश फर्कने योजना रहेको छ ।
काठमाडौं : नेपाली कांग्रेसका सभापति गगनकुमार थापाले नेपाल संवत् ११४७ तथा म्हः पूजाको अवसरमा सम्पूर्ण नेपालीमा सुख, शान्ति र समृद्धिको...
काठमाडौं : प्रधानमन्त्री वालेन्द्र शाहले नेपाल संवत् ११४७ (न्हूदँया भिन्तुना) तथा म्हः पूजाको अवसरमा स्वदेश तथा विदेशमा रहेका नेपालीहरूलाई शुभकामना...
रसुवा : भोटेकोशी नदीमा भीषण बाढी आएको साढे दुई महिना बितिसक्दा पनि कटान र पहिरोको जोखिम नटरेपछि रसुवाको आमाछोदिङमो गाउँपालिका-१...