- अनामनगर काठमाडौँ
- infobikalpa21@gmail.com
काठमाडौं । नेपाली सेनाको नेतृत्व बीर गोर्खाली सेनाका योद्धा तथा राष्ट्रिय विभुति अमरसिंह थापाका सन्ततीमा पुगेको छ । नेपाली सेनाको बलाधिकृत रथी पदमा रहेका पूर्णचन्द्र थापाले कायममुकायम प्रधानसेनापतिका रुपमा बिहीबारदेखि नेपाली सेनाको कमाण्ड सम्हालेपछि उनी नेपाली सेनाको सर्वोच्च पद प्रधानसेनापति तथा महारथी हुने पक्का भएको छ ।
प्रधानसेनापति राजेन्द्र क्षत्रीले सैनिक मुख्यालय जंगी अड्डामा बिहीबार आयोजित विशेष समारोहमा बलाधिकृत रथी थापालाई बुझबुझारथ गरेसंगै थापाले औपचारिक रुपमा सेनाको कमाण्ड सम्हालेका हुन् । प्रधानसेनापतिले आफ्नो कार्यकाल सकिनुभन्दा एक महिनाअघिदेखि बिदा बस्ने परम्पराअनुरुप क्षत्री शुक्रबारदेखि घरविदामा बसीसकेका छन् । भदौं २४ गते क्षेत्रीको कार्यकाल सकिएपछि थापा औपचारिक रुपमा प्रधानसेनापतिको फुली लगाएसँगै थापा ४३ औँ प्रधानसेनापति प्रधानसेनापति बन्दैछन् ।
शालिन स्वभाव र आकर्षक व्यक्तित्वका थापा सेनाभित्र लोकप्रिय जर्सावको रुपमा चिनिन्छन् । उच्च अधिकृतदेखि सिपाहीसम्मको तहमा निरन्तर सम्पर्क र सम्वादमा बसिरहने थापाले अब्बल सैनिक अधिकृतको छवि बनाएका छन । व्यवसायिक तथा प्रतिभाशाली जर्नेलका रुपमा चिनिएका थापाले नेतृत्व सम्हाल्न लाग्दा सेनाभित्र पनि बेग्लै खालको उत्साह र खुसीयाली देखिएको छ । व्यक्तिगत रुपमा थापा जति सरल र नम्र छन्, व्यवासायिक रुपमा उनी निकै खरो र आर्थिक अनुशासनमा कठोर पनि छन् ।
कहिल्यै विवादमा नपरेका थापा पछिल्ला हरेक प्रधानसेनापतिको विश्वसनिय सहयोगीका रुपमा महत्वपूर्ण जिम्मेवारी समालेका छन् । राष्ट्रिय तथा अन्तराष्ट्रिय वस्तुस्थितिको सुक्ष्म अध्ययन गर्न रुचाउने थापा अध्ययनशील र अलि प्राज्ञिक स्वभावका छन् । हरेक तहको जिम्मेवारीमा उनले आफूलाई उदाहरणको रुपमा प्रस्तुत गरेको उनको करिअर रेकर्डले देखाउँछ । थापाको जन्म २०१७ साल भाद्र २५ गते लम्जुङको मध्यम परिवारमा भएको हो उनका हजुरबुबा र बुबा दुवै नेपाली सेनामा कार्यरत थिए ।
थापा ०३६ सालमा अधिकृत क्याडेटका रुपमा नेपाली सेनामा भर्ना भएका थिए । २०३७ साल मंसिर २७ मा उनी गोरख बहादुर गणमा सहायक सेनानी दर्जामा नियुक्त भएका थिए । ३६ वर्ष लामो यात्रामा नेपाली सेनाका सबै जसो महत्वपूर्ण युनिट तथा विभागको नेतृत्व उनले गरेका छन् । प्रधानसेनापतिको सचिवालयमा बसेर नीति निर्णयको तहका लामो समय काम गर्न पाउने संभवत उनी नै पहिलो सैनिक अधिकारी हुन् । सैनिक कल्याणकारी कोष, कार्यरथी विभाग, प्रवन्ध तथा सम्भार रथीको कार्यलय, शान्ति सेना सञ्चालन निर्देशनालय, बाहिनी, पृतना मुख्यालय, बलाध्यक्षको कार्यलय, बलाधिकृतको कार्यलयलगायतका कार्यलय तथा विभागको उनले सफल नेतृत्व गरिसकेका छन् ।
सैनिक कल्याणकारी कोषलाई व्यवस्थित र पारदर्शी गर्नका लागि उनले महत्वपूर्ण भूमिका निर्वाह गरेका थिए । सैनिक कल्याणकारी निर्देशनालयको निर्देशक हुँदा थापाले नेपाली सैनिक इतिहासमा पहिलो पटक कल्याणकारी कोषको रकम, लगानीको क्षेत्र, स्रोत र कोषको अवस्थाको बारेमा सार्वजनिक गरेका थिए । सैनिक कल्याणकारी कोषको रकम सार्वजनिक गरेर सैनिक गोपनियता भंग हुने भन्दै तत्कालिन सैनिक उच्च अधिकृतहरुले आलोचना समेत गरेका थिए । कोषको आयव्याय विवरण सार्वजनिक गर्ने परम्पराको थालनी गरेपछि उनको नाम सैनिक इतिहासमा उच्च रहेको छ ।
आन्तरिक सुशासन, पारदर्शिता र व्यवसायिक मूल्यमा कहिल्यै सम्झौता नगर्ने थापाको नेतृत्वमा नेपाली सेनाले थप उचाइ र आमआस्था हासिल गर्ने अपेक्षा गरिएको छ । आर्थिक मामिलामा स्वच्छ र पारदर्शी छबि बनाएका थापाले त्यस्ता विवादलाई नीतिगत तथा संस्थागत हिसावले निरुपण गर्ने विश्वास लिइएको छ । राष्ट्रसंघीय शान्ति मिसनमा पनि उनको महत्वपूर्ण भूमिका छ । राष्ट्रसंघीय शान्ति मिसनको फोर्स कमाण्डरका लागि विश्वस्तरीय परीक्षामा छानिएर थापा एक वर्ष सिरिया र इजरायलको बिबादस्पथ गोलान हाईट क्षेत्रमा फोर्स कमाण्डरका रुपमा राष्ट्रसंघीय शान्ति मिसनको नेतृत्व गरेका थिए । यो अवसर नेपाली सेनामा पाउने पहिलो व्यक्ति पूर्वरथी बालानन्द शर्मा हुन् ।
नेपाली मुद्रण उद्योग व्यावसायको इतिहास लामो छ । गिद्धे प्रेसबाट सुरुभएको मुद्रण उद्योग हाल अत्याधुनिक डिजिटल तथा ठूला वेभ प्रिन्ट्रिङ्ग...
काठमाडौँ| अमेरिकी राष्ट्रपति डोनाल्ड ट्रम्पले इरानसँग भएको युद्धविरामसम्बन्धी समझदारी अब प्रभावहीन भइसकेको दाबी गर्दै तेहरानसँग कुनै नयाँ सम्झौता नगर्ने बताएका...
काठमाडौं : अमेरिकी राष्ट्रपति डोनाल्ड ट्रम्पले इरानसँग भएको युद्धविराम अब समाप्त भएको घोषणा गर्दै तेहरानसँग थप कुनै सम्झौता गर्ने इच्छा...
