- अनामनगर काठमाडौँ
- infobikalpa21@gmail.com
बागमती : भारतया मोतिहारीनिसें बाराया अमलेखगञ्जतक पेट्रोलियम पाइपलाइनपाखें मद्दिक आयात न्ह्याःगु दु ।
अन्तरदेशीय पेट्रोलियम पाइपलाइन चकंकेगु ज्या क्वचायेधुंकाः पाइपलाइनपाखें हे पेट्रोल, मतचिकंलिसें पेट्रोलियम पदार्थया आयात न्ह्याःगु नेपाल आयल निगमया मधेस प्रादेशिक ज्याकुथि अमलेखगञ्जं धाःगु दु ।
पेट्रोलियम पाइपलाइन चकंकेगु दक्वं ज्या क्वचायेधुंकूगु व छन्हुनिन्हुं हे पाइपलाइनपाखें मद्दिक पेट्रोलियम पदार्थ हयेगु न्ह्याकेधुंकूगु नेपाल आयल निगम मधेस प्रदेश ज्याकुथि अमलेखगञ्जया प्रमुख प्रलयङ्कर आचार्यं कनादिल । “पाइपलाइनपाखें हे पेट्रोल व मतचिकं वयेधुंकूगु दु,” प्रमुख आचार्यं धयादिल, “थौंकन्हय् पाइपलाइनपाखें आयात जूगु पेट्रोल नेपाःया प्रमुख सहरया डिपोय् औपचारिक कथं वितरण जुइधुंकूगु दु ।”
पाइलाइन चकंकेगु परियोजनाअन्तर्गत भारतीय आयल निगमं अमलेखगञ्जय् च्वंगु डिपोय् ४ द्वः व १०० किलोलिटर क्षमताया निगू पेट्रोल ट्याङ्क, २५० किलोलिटर क्षमताया निगू ट्रान्समिक्स ट्याङ्क, पेट्रोल ढुवानीया निंतिं २४ पूवंक स्वचालित लोडिङ्ग वे–रिफिलर, पम्प हाउस व प्रयोगशाला निर्माण यानाब्यूगु प्रमुख आचार्यं धयादिल ।
व हे परियोजनाअन्तर्गत ‘फायर फाइटिङ सिस्टम’या स्तरोन्नति, लः व चिकं ब्वथलेगु ‘ओडब्ल्युएस सिस्टम’ नापं पिएमसिसी कक्षतकं निर्माण जुइधुंकूगु दु । सन् २०२३ दुने फुक्क पूर्वाधार निर्माण क्वचायेकेगु कथं लिखिता इन्फ्रास्ट्रक्चर प्रालियात ठेक्का बियातःगु खः । थी थी हुनिं छन्हुनिन्हु न्ह्यः जक उगु पाइपलाइन चकंकेगु ज्या क्वचाःगु प्रमुख आचार्यं धयादिल ।
अथे हे, पेट्रोल व डिजेल निगुलिं जुइफइगु मिश्रित इन्धन तयेगु निंतिं निगू ट्रान्समिक्स ट्याङ्क व डिपोदुनेया सुरक्षाया निंतिं ३ द्वः किलोलिटर क्षमताया फायरवाटर ट्याङ्क भारतीय आयल निगमं निर्माण यानाब्यूगु दु । परियोजनाअन्तर्गत न्हापांगु चरणया ज्या क्वचायाः वंगु २०७६ साल भदौ २५ गतेनिसें पाइपलाइनपाखें डिजेलया आयात जुयाच्वंगु दु । “छगू हे पाइपलाइनपाखें पेट्रोल व मतचिकं आयात यायेगु सम्भव जूसां नं भण्डारण यायेगु क्षमता मदुगुलिं ट्याङ्करपाखें पेट्रोलियम पदार्थ हयेमाःगु बाध्यता जुयाच्वंगु खः,” प्रमुख आचार्यं धयादिल, “आयोजनाया ज्या क्वचायेधुंकाः पेट्रोल, डिजेल व मतचिकं नापं स्वंगू हे पदार्थया मद्दिक आयात पाइपलाइनपाखें हे जुयाच्वंगु खः ।”
मोतिहारी–अमलेखगञ्ज पाइपलाइनपाखें पेट्रोलियम पदार्थ आयात जूबलय् प्राविधिक नोक्सानी शून्य जुइगु, ढुवानी भाँडातकं बचे जुइगु नापं लकस प्रदूषण म्ह्वः यायेत ग्वाहालि जुइगु ज्याकुथि प्रमुख आचार्यया धापू दु । थुगु आयोजना निर्माण पूवनेसातकिं हे अमलेखगञ्ज डिपोय् डिजेलया भण्डारण क्षमता २४ द्वः व ८४० किलोलिटर व पेट्रोलया भण्डारण क्षमता १६ द्वः व ६३० किलोलिटर थ्यनी ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
