
काठमाडौं : म्यानमारले फाइनलमा घरेलु टिम नेपाललाई पराजित गर्दै अन्तर्राष्ट्रिय महिला च्याम्पियनसिपको उपाधि जितेको छ । योसँगै नेपाली महिला टिम १३औं पटक उपविजेतामा सीमित बनेको छ ।
त्रिपुरेश्वरस्थित दशरथ रंगशालामा भएको फाइनलमा नेपाल म्यानमारसँग २-० गोलले पराजित भएको हो । पहिलो हाफ गोलरहित बराबरीमा सकिएपनि दोस्रो हाफमा म्यानमार गोल गर्न सफल भएको थियो ।
खेलमा नेपालले म्यानमारमाथि दबाब बनाए पनि गोल गर्न भने सकेन । नेपालले खेलमा गोल गर्ने केही अवसर सिर्जना गरे पनि गोल नहुँदा नेपाल उपविजेतामा सिमिति बन्न पुग्यो ।
खेलको ६२औं मिनेटमा नेपालविरुद्ध म्यानमारले अग्रता लिएको थियो । यु पेर खिनेले गोल गर्दै टोलीलाई १-० गोलअन्तरको अग्रता दिलाएकी थिइन् ।
म्यानमारले ६४औं मिनेटमा अग्रता दोब्बर बनायो । कप्तान विन थेङ्गी तुनले हानेको प्रहार गोल किपरले बचाउने प्रयास गरेपनि रश्मी कुमारी घिसिङलाई लागेर गोलमा परिणत भयो । जससँग म्यानमार २-० गोलअन्तरले विजयी भयो ।
नेपाल यसअघि साफ महिला च्याम्पियनसिपमा ६, दक्षिण एसियाली खेलकुदमा ३ तथा वाफ, हिरो महिला गोल्डकप र नादेज्दा कपमा समान १ पटक उपविजेता बनेको थियो ।
वीरगञ्ज । नेपाली कांग्रेसका सभापति गगनकुमार थापाले मुलुक समावेशिता र संघीयताको अभ्यासमा गएपछि प्रजातन्त्र थप बलियो बनेको बताएका छन् ।...
काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...
काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...