- अनामनगर काठमाडौँ
- infobikalpa21@gmail.com
काँक्रेविहार : तारा एयरं सुर्खेतपाखें मुगु, हुम्ला व जुम्लाय् यानाः वयाच्वंगु नियमित उडान बन्द याःगु दु । उडान पतिकं द्यागुलिं उडान बन्द यायेमाःगु तारा एयरं धाःगु दु ।
कर्णाली प्रदेशया उद्योग पर्यटन वन व वातावरणमन्त्री सुरेश अधिकारीं सन् २०२४ डिसेम्बर ४ स उलेज्या यानादीगु हवाई सेवा आः बन्द जूगु खः ।
हिमाली टुर एण्ड ट्राभल्सं तारा एयरपाखें स्वंगू जिल्लाय् उडान यानावयाच्वंगु खः । ट्राभल्सं कर्णाली प्रदेश सरकारपाखें ग्वाहालि मजूगु, उडान पतिकं द्यागुलिं उडान बन्द यायेमाःगु धयादिल ।
ट्राभल्सया मिनबहादुर रावलं आः स्वंगू जिल्लाय् वाःय् निक्वः नियमित उडान यायेगु सहमतिकथं ज्या न्ह्याकूगु जुसां माःगु ग्वाहालि मजुया हवाई सेवा बन्द यानागु धयादिल ।
थ्व हे दथुइ, निजी वायुसेवा कम्पनी यतीं शनिबाः सुर्खेत–येँ परीक्षण उडान याःगु दु । शनिबाः धनगढीइ नं परीक्षण उडान क्वचायेकूगु यती एयरलाइन्सं धाःगु दु । यतीया ९ एन–एएमएन एटीआर ७२ विमानं ताःलाक्क परीक्षण उडान याःगु एयरलाइन्सया प्रवक्ता सुदर्शन बर्ताैलां धयादिल ।
वय्कःया कथं परीक्षण उडान एयरलाइन्सया प्रशिक्षक पाइलटपिं समर्थरत्न तुलाधर व राजु राजवंशीं यानादीगु खः । उडान अवलोकनया निंतिं नेपाल उड्डयन प्राधिकरण लिसें यती एयरलाइन्सया प्राविधिक, कर्मचारीलिसेंया प्रतिनिधितय्या उपस्थिति दूगु खः ।
सुर्खेत व धनगढी विमानस्थलयात कन्हेया न्हिस नियमित उडान यायेगु व वैकल्पिक विमानस्थलया कथं छ्यलेगु तातुनाः परीक्षण उडान याःगु धकाः प्रवक्ता बर्ताैलां धयादिल । परीक्षण उडानया प्रतिवेदनया लिधंसाय् नियमित उडान यायेगु तयारी यायेगु वय्कलं धयादिल ।
यात्रुया मागयात स्वयाः उडानयात तब्याकायंकाः बजाः विस्तार यायेगु ताःतयागु धकाः यती एयरलाइन्सया प्रमुख व्यापार अधिकृत युवराजकुमार विष्टं धयादिल । वय्कलं थुकिं नियमित उडाननापं एयरलाइन्सपाखें यात्रुया विश्वास अप्वइगु बिचाः तयादिल ।
थ्व हे फागुन २० गते एयरलाइन्सं राजविराज विमानस्थलय् नं ताःलाक्क परीक्षण उडान क्वचायेकेधुंकूगु धाःगु दु । सुर्खेतय् बुद्ध व श्री एयरलाइन्सं उडान यानाः वयाच्वंगुली आः यति नं वःबले टिकटया भाः दनीकि धकाः अपेक्षा यानातःगु दु ।
कर्णालीया हिमाली जिल्लाय् वनेत नेपालगञ्जया भः
सुर्खेतय् हवाई सेवा बन्द जुयाः कर्णालीया हिमाली जिल्लाय् वयेवने यायेत हाकनं बाकेँया नेपालगञ्ज विमानस्थल छ्यलेमाःगु अवस्था वःगु दु । बाँकेपाखें तारा, समिट व गोमा एयरं हुम्ला, जुम्ला, मुगु व डोल्पाय् उडान यानावयाच्वंगु दु ।
सरकारी स्वामित्वया नेपाल एयरलाइन्सं सुर्खेतया विमानस्थलं उडान यानाच्वंगु मदुसा कर्णालीइ एयरलाइन्सया ज्याकुथि तकं मदु । सुर्खेतपाखें थनया हिमाली जिल्लाय् वयेवने यायेत लुम्बिनी प्रदेशया नेपालगञ्ज विमानस्थल छ्यलेमाःगु बाध्यता दूगु यात्रुतय्सं धाःगु दु ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
