- अनामनगर काठमाडौँ
- infobikalpa21@gmail.com
येँ : नेपाल ललितकला प्रज्ञा–प्रतिष्ठानया ग्वसालय् येँय् थनिंनिसें ‘बाग्मती प्रादेशिक ललितकला प्रदर्शनी, २०८१’ न्ह्याःगु दु ।
नक्सालय् च्वंगु प्रतिष्ठानया प्रदर्शनी हलय् न्ह्याःगु प्रदर्शनी प्रतिष्ठानया संस्थापक कुलपति किरण मानन्धरं उलेज्या यानादिल । उगु झ्वलय् वय्कलं प्रतिष्ठानं प्रदेशगत कथं ग्वसाःग्वःगु प्रदर्शनीयात च्वछानादिसें किसानतय्सं चायात म्हसीकाः अन्न उत्पादन याः थें हे कलाकारतय्सं नं थःगु चायात म्हसीकाः कला व कलाकारिता यायेमाःगु धयादिल ।
उलेज्या समारोहय् प्रतिष्ठानया कुलपति नारदमणि हार्तम्छालीं ‘सामाजिक रूपान्तरण ललितकलाया अभियान’या मू भाव ज्वनाः ग्वसाःग्वःगु प्रदर्शनीं प्रदेशया ललितकलायात च्वन्ह्याकेत थप ग्वाहालि याइगु भलसा प्वंकादिल । वय्कलं कला व कलाकारतय्सं तःम्हिगु बाग्मती प्रदेशय् ललितकलाया खोज नापं अनुसन्धानया थप ज्या यायेमाःगु धारणा तयादिल ।
प्रतिष्ठानया उपकुलपति नापं बागमती प्रदेश समन्वय समितिया कजि लालकाजी लामां कलाया ख्यलय् प्रादेशिक प्रदर्शनीं ललितकला ख्यःया पुनर्जागरण याःगु व अझ नं हातक थ्यंकाः रैथाने कला व सीपयात अझ उलाः क्यनेमाःगुलिइ बः बियादिल ।
नेपाल ललितकला प्रज्ञा–प्रतिष्ठानया सदस्यसचिव देवेन्द्रकुमार काफ्ले ‘थुम्केलीं’ प्रतिष्ठानया रणनीतिक योजनाकथं प्रादेशिक ललितकला प्रदर्शनी याःगु व थुकिं झीगु मौलिक कला, शैली, शिल्प, ज्ञानयात थकायेगु नापं प्रवद्र्धन यायेत ग्वाहालि याइ धकाः धयादिल ।
रैथाने सीप व कलाया पुस्तान्तरण जुइमाःगु धयादिसें वय्कलं कला व कलाकारतय्गु रचनात्मक सिर्जनशील विकासय् बः बियादिल । ललितकला क्याम्पस (भोटाहिटी)या प्रमुख डा यामप्रसाद शर्मां थुगु प्रदर्शनीं उत्साह हःगु व कलाकारतय्सं बिस्कंबिस्कं कलायात थी थीकथं न्ह्यब्वःगु धयादिल ।
समारोहय् नेपाली ललितकला ख्यलय् योगदान बियादीपिं कलाकारत जुलुमलाल चित्रकार, भोला पौड्याल, शारदामान श्रेष्ठ, सुष्मा राजभण्डारी, सुनिता राणा, धर्मबहादुर तामाङ, सरिता डङ्गोललिसेंतय्त हंगु खः ।
अथे हे ज्याझ्वलय् प्रतिष्ठानपाखें पिथंगु विज्ञसमीक्षित अनुसन्धानमूलक सोधपत्रिका ‘ललितकला प्रज्ञा’या तकं विमोचन याःगु खः । प्रदर्शनीइ बाग्मती प्रदेशया २०७ कलाकारतय्गु २३९ कलाकृति तयातःगु खः ।
चैत १ गतेतक न्ह्याइगु उगु प्रदर्शनीया क्युरेटिङ प्रतिष्ठानया प्राज्ञसभा दुजः सुन्दर सिंख्वालया कजिसुइ रजनी सिंख्वाल व सविना तामाङं यानादीगु खः । प्रदर्शनीया प्रवर्धककथं नेपाल पर्यटन बोर्ड दु ।
ज्याझ्वलय् प्रतिष्ठानया पूर्वकुलपति कान्छाकुमार (केके) कर्माचार्य, नेपाल सङ्गीत नापं नाट्य प्रज्ञा–प्रतिष्ठानया सदस्यसचिव कुश्मा महरा ‘प्रगति’, प्रतिष्ठानया प्राज्ञपरिषद् दुजः, प्राज्ञसभा दुजः, अग्रज कलाकार, संस्कृतिकःमि, पत्रकार, राजनीतिक दलया प्रतिनिधि, कलाकारलिसेंया ब्वति दूगु खः । थ्वस्वयांन्ह्यः प्रतिष्ठानं ६ गू प्रदेशय् प्रादेशिक कला प्रदर्शनी क्वचायेकेधुंकूगु खः ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
