- अनामनगर काठमाडौँ
- infobikalpa21@gmail.com
येँ : प्रधानमन्त्री केपी शर्मा ओलीयात अन्तर–व्यवस्थापिका मञ्च, नेपालया १० क्वःगु सम्मेलनं पारित जूगु न्हय्गू बुँदाया घोषणापौ लःल्हाःगु दु ।
उगु मञ्चया वंगु पुस १–३ गते गण्डकी प्रदेशया राजधानी पोखराय् क्वचाःगु सम्मेलनया लिच्वःलिसेंया न्हय्गू बुँदाया घोषणापौ थौं प्रधानमन्त्री निवास, बालुवाटारय् लःल्हाःगु खः ।
घोषणापौ लःल्हायेगु ज्याझ्वलय् प्रतिनिधिसभाया सभामुख देवराज घिमिरे, राष्ट्रियसभाया अध्यक्ष नारायणप्रसाद दाहाल, उपसभामुख इन्दिरा राना, उपाध्यक्ष विमला घिमिरेलिसें न्हय्गू हे प्रदेशया सभामुख, उपसभामुख व सङ्घीय संसद्या महासचिव पद्मप्रसाद पाण्डेयलिसें ब्वति कयादीगु खः ।
उगु घोषणापौलय् सङ्घीयता नापं संविधान कार्यान्वयनयात तःगति बिइत सङ्घ, प्रदेश व स्थानीय तहया मंकाः धलःअन्तर्गत निर्माण याइगु कानुनया सन्दर्भय् स्वंगुलिं सभाया थवंथः सम्बन्ध विकास यायेगु प्रतिबद्धता याःगु खः । अथे हे दयेके मानिगु कानुन अध्ययन व म्हसीकाः सङ्घीय संसदपाखें कानुन निर्माण यायेत कुतः यायेगु नं धयातःगु दु ।
घोषणापौलय् संसदीय विषयगत समितिया ज्याखँतय्त प्रभावकारी यायेगु ताःतयाः समन्वय व सहजीकरण यायेत सम्बन्धित नियमावलीइ प्रतिनिधिसभाया उपसभामुख, राष्ट्रियसभाया उपाध्यक्ष नापं प्रदेशसभाया उपसभामुखया भूमिका यचुकेगु कुतः यायेगु नं प्रतिबद्धता याःगु दु ।
कानुनया कार्यान्वयन मापन नापं उत्तर विधायिकी परीक्षणया ज्या सरकारलिसे समन्वय यानाः सङ्घ व प्रदेशय् न्ह्याकेगु, थुकिया निंतिं सम्बन्धित सभाया नियमावलीइ व्यवस्था यायेगु, सरकारं सभाय् पेस यायेगु नीति नापं ज्याझ्वः सिद्धान्त व प्राथमिकता, पूर्वबजेट सहलह नापं संसदपाखें अनुमोदित बजेट, बजेटया खर्च व्यवस्थापन तकंया सम्बन्धय् अध्ययन विश्लेषण यानाः संसद् दुजःतय्त अध्ययन, अनुसन्धानात्मक व प्रशिक्षणात्मक सेवा बिइगु विषय घोषणापौलय् न्ह्यथनातःगु दु ।
उगु झ्वलय् प्रधानमन्त्री ओलीं दक्व सरकार व संसदतदथुइ संविधानं याःगु प्रबन्धकथं जुयाच्वंगु समन्वय व सहकार्ययात अझ नं अप्वयेकेमाःगुलिइ बः बियादिसें सङ्घीय सरकारपाखें बिइमाःगु ग्वाहालि व समन्वयया निंतिं थः तयार दूगु धयादिल । वय्कलं राज्यया आर्थिक हैसियतयात बिचाः यानाः जक संसदं सरकारन्ह्यःने बजेटसम्बन्धी प्रस्ताव पेश यायेमाःगु व सरकारया सम्बन्धित मन्त्रालयं नं संसदया नेतृत्वं आवश्यक तायेकाः छ्वयेधुंकूगु प्रस्तावयात अःपुक न्ह्याकेमाःगु धारणा बियादीगु प्रधानमन्त्रीया सचिवालयं धाःगु दु ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
