- अनामनगर काठमाडौँ
- infobikalpa21@gmail.com
येँ : नेपाल कम्युनिष्ट पार्टी (एमालें) संविधान कार्यान्वयनया छगू दशकया समीक्षा यासें लोकतान्त्रिक प्रणालीयात अझ सुदृढ यायेगु सङ्कल्प याःगु दु ।
यल, च्यासलय् च्वंगु एमाले केन्द्रीय ज्याकुथिइ थौं च्वंगु सचिवालय बैठकं थी थी प्रस्ताव पारित यासें नेपाःया संविधान व थुकिं संस्थागत याःगु सङ्घीय लोकतान्त्रिक गणतन्त्र, समावेशी प्रणाली व सामाजिक न्याय थेंजाःगु उपलब्धितय्गु रक्षाया निंतिं दृढ जुयाः वनेगु सङ्कल्प याःगु एमालेया उपमहासचिव प्रदीप ज्ञवालीं कनादिल ।
“संविधानया प्रभावकारी कार्यान्वयन, राजनीतिक स्थिरताया सुनिश्चितता, सुशासन, प्रभावकारी सेवा प्रवाह, आर्थिक विकास व सुधारया दिशाय् न्ह्याःवनेत जिपिं प्रतिबद्ध दु,” बैठकधुंकाः वय्कलं कनादिल । बैठकय् छुं इलंनिसें लोकतान्त्रिक गणतन्त्र व संविधान विरुद्ध जुयाच्वंगु सुनियोजित ज्याखँतय्के पार्टीया गम्भीर ध्यानाकर्षण जूगु धाःगु दु ।
“लोकतान्त्रिक गणतन्त्र नेपाली जनताया न्हय्गू दशक ताःहाकःगु बलिदानी सङ्घर्षया लिच्वः खः । वंगु इलय् आन्दोलनया झ्वलय् जूगु सहमति अःखः राजतन्त्र तःक्वःमच्छि जनताया अधिकारय् आक्रमण व सर्वसत्तावादपाखे उद्यत जुगुलिं राजतन्त्र व लोकतन्त्रनापं वने फइमखु धइगु लिच्वःलिसें ऐतिहासिक संविधानसभापाखें सङ्घीय लोकतान्त्रिक गणतन्त्र नीस्वंगु खः”, पारित प्रस्तावय् धयातःगु दु, “जनताया फैसलायात फःपुइकेगु व मुलुकयात पश्चगामी दिशाय् यंकेगु छुं नं कुतः सफल जुइफइमखु धइगु खँ यचुसे च्वं ।”
पार्टीं लोकतन्त्र नीस्वनेधुंकूगु चीहाकःगु इलय् हे नेपालं महत्त्वपूर्ण प्रगति याःगु न्ह्यथँसें सशस्त्र द्वन्द्व, ताःहाकःगु सङ्क्रमणकाल व भुखाय्लिसें प्राकृतिक विपत्तिया दथुइ नं भौतिक पूर्वाधार, सामाजिक ख्यः, जनताया जीवनस्तर, अन्तरराष्ट्रिय सम्बन्धलिसें ख्यलय् यायेफूगु उपलब्धि महत्त्वपूर्ण जूगु क्वःछ्यूगु दु ।
पार्टी अध्यक्ष एवं प्रधानमन्त्री केपी शर्मा ओलीं बैठकयात संबोधन यानादिसें विकसित समसामयिक राजनीतिक विषय नापं सरकारया ज्याया बारे जानकारी बियादिल । मुलुकया समसामयिक परिस्थिति व विकसित राजनीतिक घटनाक्रमया बारे सचिवालयया दुजःतय्सं बैठकय् थःथःगु राय न्ह्यब्वयादीगु खः ।
बैठकं लुम्बिनी प्रदेश कमिटीं थपे याःपिं २८ म्हसिगु नां अनुमोदन याःगु खँ उपमहासचिव ज्ञवालीं कनादिल ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
