- अनामनगर काठमाडौँ
- infobikalpa21@gmail.com
थाइल्याण्ड : नेपाल व थाइल्याण्डदथुइ पर्यटन व संस्कृतिलिसे सम्बन्धित निगू समझदारीपौलय् ल्हाःचिं तयेगु ज्या जूगु दु ।
थाइल्याण्डया औपचारिक भ्रमणय् झायाच्वनादीम्ह प्रधानमन्त्री केपी शर्मा ओली व थाइल्याण्डया प्रधानमन्त्री पे थिङ् शिनावातया न्ह्यःने थौं उगु समझदारीपौलय् ल्हाःचिं तयेगु ज्या जूगु खः ।
नेपाःपाखें परराष्ट्रमन्त्री डा आरजु राणा देउवां उगु समझदारीपौलय् ल्हाःचिं तयादीगु खः । अथे हे थाइल्याण्डपाखें संस्कृतिसम्बन्धी समझदारीपौलय् संस्कृतिमन्त्री सुदावान वाङसुफाकिजकोसोल व पर्यटन ग्वाहालिसम्बन्धी सम्झौतापौलय् पर्यटन नापं खेलकुदमन्त्री सोरावाङ तिनथोङं ल्हाःचिं तयादीगु खः ।
अथे हे नेपाल उद्योग वाणिज्य महासङ्घ व थाइल्याण्डया बनेज्या बोर्डदथुइ नं सम्झौता जूगु दु । महासङ्घ व थाईल्याण्डया थाई चेम्बर अफ कमर्स एण्ड बोर्ड अफ ट्रेडदथुइ थवंथः सहकार्य नापं बनेज्या अभिवृद्धिया विषयकय् समझदारी जूगु खः । निगुलिं देय्या प्रधानमन्त्रीतय्गु न्ह्यःने थौं बैङ्ककय् जूगु ज्याझ्वलय् नेपाल उद्योग वाणिज्य महासङ्घया नायः चन्द्रप्रसाद ढकाल व थाई चेम्बर अफ कमर्श एण्ड बोर्ड अफ ट्रेडया नायः सानन अङगुबोल्कुलं नं ल्हाःचिं तयादिल ।
थुगु समझदारीं नेपाः व थाइल्याण्डदथुइ व्यापारिक सम्बन्धयात सुदृढ यायेगु, आर्थिक सहकार्ययात प्रवद्र्धन यायेगु, नापं बनेज्या व लगानी चकंकेत संरचित थासा तयार यायेगु आज्जु तयातःगु खः । लिसें निगू देय्दथुइया व्यापारिक सहकार्ययात अझ क्वातुकेत व आर्थिक सहकार्ययात चकंकेत महत्वपूर्ण योगदान बिइगु भलसा यानातःगु दु । अथे हे नेपाल उद्योग परिसङ्घ व थाइ उद्योग महासङ्घ, नेपाल चेम्बर अफ कमर्स व थाइल्याण्डया पर्यटन परिषद्दथुइ ल्हाचिं तयेगु ज्या जूगु दु । काठमाडौँ विश्वविद्यालय व सियाम विश्वविद्यालयदथुइ नं सम्झौता जूगु दु ।
थाइल्याण्ड सरकारया औपचारिक भ्रमण नापं खुक्वःगु ‘बिम्स्टेक’ सम्मेलनय् ब्वति कायेत नेपाःया प्रतिनिधिमण्डलतय्गु नेतृत्व यानादिसें प्रधानमन्त्री ओली थ्व हे चैत १९ गते थन झायादीगु खः ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
