- अनामनगर काठमाडौँ
- infobikalpa21@gmail.com
येँ : राष्ट्रपति रामचन्द्र पौडेललिसे राष्ट्रिय फोटो पत्रकार पुचः (एनएफपिजे नेपाल) थौं शीतल निवासय् नापलाःवंगु दु । उगु पुचःया अध्यक्ष प्रदीपराज वन्तया नेतृत्वय् वंगु टोलीं फोटो पत्रकारतय्गु योगदान, किपाः नापं बुखँ सङ्कलन यायेत न्ह्यःने वनाः ज्या याइबलय् वइगु सुरक्षा हाथ्यालिसें थी थी विषयकय् राष्ट्रपति पौडेलयात अवगत याकूगु खः ।
उगु झ्वलय् राष्ट्रपति पौडेलं सीमित स्रोतसाधन व जोखिमयादथुइ कार्यक्षेत्रय् ज्या याःवनीपिं फोटोपत्रकारतय्त जुइगु जोखिम न्यूनीकरण नापं सुरक्षा व्यवस्थाया हःपाःया निंतिं राज्य व सम्बन्धित सञ्चारगृहं जिम्मेवारी बोध यायेमाःगु नापं सचेत व सजग जुइमाःगु धारणा प्वंकादिल ।
वय्कलं धयादिल, “छिकपिंसं कयादीगु किपालं समाजय् सचेतना थनेत व बुखँयात अझ विश्वसनीय नापं तथ्यगत दयेकेत महत्वपूर्ण भूमिका म्हितावयाच्वंगु दु । थजाःगु हाथ्यां जाःगु नापं संवेदनशील ख्यलय् वनीपिं फोटो पत्रकारतय्गु योगदानयात हनाबना तयाः राज्यं उच्च मूल्याङ्कन याइ ।”
एनएफपिजे नेपालया अध्यक्ष वन्तं फोटो पत्रकारतय्गु सुरक्षा सुनिश्चितताया निंतिं जीवन बिमालिसें सुविधात उपलब्ध याकेगु व्यवस्थाया निंतिं कुतः यानादीत राष्ट्रपति पौडेलयात इनाप यानादिल । वय्कलं धयादिल, “फ्रन्टलाइनय् वनाः देय्न्यंकंया फोटो पत्रकारिता यानाच्वनादीपिं पासापिंसं जोखिम कयाः जिम्मेवारी निर्वाह यानाच्वनादीगु दु, थुगु कथंया विषम परिस्थितिइ फोटोपत्रकारतय्गु सुरक्षा सुनिश्चित यायेत व जीवन बिमालिसें सुविधाया निंतिं आवश्यक कुतः यानादीत विशेष इनाप यानाच्वना ।”
राष्ट्रपति पौडेलं फोटो पत्रकारतय्गु मागयात गम्भीर जुयाः कयागु व उगु प्रयोजनया निंतिं आवश्यक कुतः यायेगु आश्वासन बियादीगु एनएफपिजेया महासचिव घनश्याम श्रेष्ठं जानकारी बियादिल ।
उगु झ्वलय् एनएफपिजे नेपालया २८ क्वःगु वार्षिकोत्सवया लसताय् वइगु वैशाख १३ गते जुइगु राष्ट्रिय फोटो पत्रकारिता पुरस्कार–२०२५ विशेष ज्याझ्वलय् मू पाहाँकथं झायादीत राष्ट्रपतियात ब्वनापौ लःल्हाना धकाः अध्यक्ष वन्तं कनादिल ।
उगु ज्याझ्वलय् एनएफपिजे नेपालया वरिष्ठ उपाध्यक्ष लेखबहादुर श्रेष्ठ (सागर), उपाध्यक्ष सुनिल शर्मा, महिला उपाध्यक्ष चन्द्रकला क्षेत्री (भगवती), महासचिव घनश्याम श्रेष्ठ, सचिव प्रविन कुलुङ राई, कोषाध्यक्ष प्रदीपकुमार श्रेष्ठलिसें केन्द्रीय दुजःतय्गु नं ब्वति दूगु खः ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
