- अनामनगर काठमाडौँ
- infobikalpa21@gmail.com
येँ : स्वास्थ्य नापं जनसङ्ख्यामन्त्री प्रदीप पौडेलं संयुक्त राष्टसङ्घया मुख्यालय न्युयोर्कय् थौं ग्वसाःग्वःगु जनसङ्ख्या नापं विकास आयोगया ५८ क्वःगु सत्रयात सम्बोधन यानादीगु दु ।
उगु झ्वलय् मन्त्री पौडेलं लिपांगू स्वगू दशकय् नेपालं मां नापं नकतिनि मचाबूपिं मस्त सीगुलिइ महत्वपूर्ण प्रगति यानागु धयादिल । दक्षता व परिवार नियोजनया साधनया छ्यलाबुला अप्वःगु नापं प्रजनन क्षमता व ल्याय्म्हबले हे मचा बुइकिगु म्ह्वः जूगु नापं बालविवाह म्ह्वः यायेत नापं नेपाः ताःलागु मन्त्री पौडेलं धयादिल ।
“नेपाः थःगु स्वास्थ्य प्रणाली सेल्लाका सकल नागरिकतय्त स्वास्थ्य सुविधा बिइत प्रतिबद्ध दु”, मन्त्री पौडेलं धयादिल, “अथे खःसां, थ्व जिपिं याकचां जक तालाकेफइगु खनेमदु ।” वय्कलं अन्तरराष्ट्रिय मंकाःज्या व ऐक्यबद्धतापाखें जक सुथांलाइगु खँय् बःबियादिल । स्वास्थ्य ख्यलय् बजेट माक्वः मदूगु व प्रतिव्यक्ति स्वास्थ्य खर्च हलिंन्यंकंया ल्याखय् म्ह्वः जूगु हुनिं गामय् माक्व कथंया पूर्वाधार विकास नापं स्वास्थ्य संस्था मदूगुलिं स्वास्थ्य वहुँचय् सेवा कायेत थाकुयाच्वंगु मन्त्री पौडेलया धपू खः ।
वय्कलं जलवायु ह्यूपाया हुनिं नेपाःया स्वास्थ्य ख्यलय् थाकुयाच्वंगु धयादिल । स्वास्थ्य नापं जनसङ्ख्यामन्त्रीया निजी सचिवालयया कथं विकास ग्वाहालिइ म्ह्वः जुयाः नेपाः थेँजाःगु देय्सं तःधंगु हाथ्या फयाच्वनेमाःगु वय्कलं धयादीगु दु । “थ्व समस्या सम्बोधन यायेत जिपिं नेपाःयात विकास ग्वाहालि अप्वयेकेया निंतिं विशेष बः बियाच्वनाः”, मन्त्री पौडेलं धयादिल । निजी ख्यलं नं स्वास्थ्य ख्यलय् लगानी अप्वयेकेमाःगु खँय् मन्त्री पौडेलं बः बियादिल ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
