- अनामनगर काठमाडौँ
- infobikalpa21@gmail.com
येँ : वन नापं वातावरणमन्त्री ऐनबहादुर शाही ठकुरीं देय्न्यंकंया संरक्षण लागाय् पर्यापर्यटन प्रवर्द्धन यानाः जनताया जीविकोपार्जनलिसे स्वाकेमाः धकाः धयादीगु दु ।
वन्यजन्तु संरक्षण नापं राष्ट्रिय निकुञ्ज विभागं थौं थन ग्वसाःग्वःगु ३० क्वःगु वन्यजन्तु सप्ताह ज्याझ्वलय् वय्कलं संरक्षण लागां आः थःम्हं हे राजस्व सङ्कलन यानाः आयआर्जन वृद्धि यायेमाःगुलिइ बः बियादिल ।
मन्त्री शाहीं धयादिल, “लिपांगु इलय् वन्यजन्तुत अप्वयावंलिसे मानव–वन्यजन्तु द्वन्द्व व व्यवस्थापनया हाथ्या अप्वयावःगु दु । थुकियात व्यवस्थापन यानाः न्यूनीकरण यायेत वन मन्त्रालयलिसें मेमेगु निकाय व स्वापू दुपिं सकसिगु नं ग्वाहालिया अपेक्षा यानाच्वना ।”
ज्याझ्वलय् वन मन्त्रालयया सचिव डा दीपककुमार खरालं विभागं संरक्षणया भाला सफल जुइक क्वचायेकूगु धयादिसें आः मानव–वन्यजन्तु द्वन्द्व व्यवस्थापन यायेगु ज्या यायेमाः धकाः धयादिल । लिसें वय्कलं स्थानीय समुदायतय्के संरक्षण यायेगुलिइ अपनत्व नापनापं थुइकेगुलिइ एकरुपता हयेमाःगु सुझाबियादिल ।
विभागया महानिर्देशक डा रामचन्द्र कँडेलं वन्यजन्तुया ल्याः अप्वयावंगुलिं थुगु उपलब्धियात बचे यायेत थी थी हाथ्या सामना फुक्क मिलेजुयाः यायेमाःगुलिइ बः बियादिल । लिसें वय्कलं सप्ताह ज्याझ्वलं संरक्षणया निंतिं जनचेतना थनेत तःधंगु योगदान जुइगु खँ न्ह्यथनादिल ।
ज्याझ्वलय् विभागया उपमहानिर्देशक वेदकुमार ढकाल, विभागया वरिष्ठ इकोलोजिस्ट हरिभद्र आचार्य, वन प्राविधिक सङ्घया नायः डा राकेश कर्ण, राष्ट्रिय प्रकृति संरक्षण कोषया निर्देशक डा चिरिञ्जीवीप्रसाद पोखरेल, वन नापं भू–संरक्षण विभागया उपमहानिर्देशक अजितकुमार कर्ण, जियोलोजिकल सोसाइटी अफ लण्डन (जेडएसएल) नेपालया डा दिनेश न्यौपानेलिसेंतय्सं मानव–वन्यजन्तु द्वन्द्व संरक्षणया निंतिं हाथ्या जुयाच्वंगु धयादिसें उकियात ज्यंकेत फुक्क वनेमाःगुलिइ बः बियादिल ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
