- अनामनगर काठमाडौँ
- infobikalpa21@gmail.com
येँ : प्रधानमन्त्री केपी शर्मा ओलीं संस्कृति त्वफिके हे मज्यूगू महत्वपूर्ण पक्ष जूगुलिं थ्व सम्बन्धी इतिहासया संरक्षण व प्रवद्र्धन यायेमाःगु धयादीगु दु ।
प्रधानमन्त्री निवास बालुवाटारय् थौं राष्ट्रिय समाचार समिति (रासस) पाखें प्रकाशित जूगु ‘रासस फोटो किताब : गणतन्त्रको १६ वर्ष’ ग्रहणया झ्वलय् प्रधानमन्त्री ओलीं मनूखं ज्ञांयात मालेत व मनोरञ्जनया झ्वलय् संस्कृतियात नालाकाःगु धयादिल ।
“संस्कृति झीसं त्वफिके हे मज्यूगु खँ खः, थुकिया सन्तुलित अर्थ थुइकेफुसा थः व थःगु इतिहासयात मेपिंत थुइकेत ग्वाहालि याइ”, प्रधानमन्त्री ओलीं धयादिल, “सन्तुलित अर्थ थुइका थः व थःगु इतिहास थुइकेत नं ग्वाहालि याइ ।”
वय्कलं राससया थुजागु कुतः च्वछायेबहःगु व तारिफयाये योग्य जू धयादिल । प्रधानमन्त्री ओलीं धयादिल, “मनूत ज्ञां मालेत व मनोरञ्जनया झ्वलय् संस्कृतियात नालाकाःगु दइ, दुःखय् लानाच्वंबलय् नं मनूखं संस्कृतिया माध्यमं मनोरञ्जनया ग्वाहालि कया म्वानाच्वंगु दइ ।”
उगु झ्वलय् राससया कार्यकारी अध्यक्ष धर्मेन्द्र झां लोकतन्त्र व गणतन्त्र दिवसया लसताय् देय्या तजिलजि, कला नापं विकास व पूर्वाधार शीर्षकय् निदँ तक प्रदर्शनीइ तःगु किपा दुथ्याकाः समितिं फोटो पुस्तक पिकानागु धयादिल ।
गणतन्त्र नीस्वनेधुंकाया १६ दँया दथुइ जूगु प्रगति व उपलब्धियात किपाखय् न्ह्यब्वयागु धयादिसें कार्यकारी अध्यक्ष झां देसय् छुं नं जूगु मदु धयाजुइपिंत थ्व सफू तःधंगु लिसः जूवंगु धयादिल ।
वय्कलं देय्यात म्हसीकेगु यानाः म्हो जक स्रोतसाधन दतं नं राससं तयार याःगु सङ्ग्रहणीय रासस फोटो पुस्तक विदेशी पाहाँ तयेत देछा कथं बिइ बहः जुइगु विश्वास प्वंकादिसें अझं छापेयायेत इनाप यानादिल ।
उगु सपूmस देय्या फुक्क हे जातजाति, भाषाभाषी, भूगोल, धर्म, तजिलजि व पूर्वाधार निर्माणया ख्यलय् जुयाच्वंगु गतिविधियात दुथ्याना ९० म्ह फोटोपत्रकारतय्सं कयातःगु १८२ पाः किपा दुथ्याकातःगु दु ।
उगु झ्वलय् प्रधानमन्त्री ओलीं सपूmस दुथ्यानाच्वंगु किपात रुचितया अवलोकन यानादीगु खः ।
सपूm लःल्हायेगु ज्याझ्वलय् राससया महाप्रबन्धक सिद्धराज राई, प्रधान सम्पादक उत्तम सिलवाल, प्रशासन प्रमुख शीतलप्रसाद महतो, प्रमुख समाचारदाता नारायणप्रसाद न्यौपाने, वरिष्ठ समाचारदाता प्रकाश सिलवाल, समाचारदाता कालिका खड्का व फोटोपत्रकार विकल्प दाहालया उपस्थिति दूगु खः ।
थ्वसिबे न्ह्यव उगु सपूm राष्ट्रपति रामचन्द्र पौडेल, उपराष्ट्रपति रामसहायप्रसाद यादव, नेपाली कांग्रेसया सभापति नापं पुलांम्ह प्रधानमन्त्री शेरबहादुर देउवा, सञ्चार नापं सुचं प्रविधिमन्त्री पृथ्वीसुब्बा गुरुङलिसेंया विशिष्ट पदाधिकारी नापं नेतागणयात लःल्हायेधुंकूगु दु ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
