- अनामनगर काठमाडौँ
- infobikalpa21@gmail.com
येँ : सरकारं वंगु चैत १५ गते तीनकुनेय् जूगु घटनाय् लानाः मदुपिं सविन महर्जन व सुरेश रजकया छेँजःपिंत १०/१० लख राहत ध्यबा बिइगु निर्णय याःगु दु ।
मन्त्रिपरिषद्या थ्व हे वैशाख ८ गतेया निर्णय सार्वजनिक यायेत थौं ग्वसाःग्वःगु पत्रकार सम्मेलनय् सञ्चार व सूचना प्रविधिमन्त्री नापं सरकारया प्रवक्ता पृथ्वी सुब्बा गुरुङं उगु निर्णय जूगु जानकारी बियादीगु खः ।
अथे हे, सरकारं प्रधानमन्त्रीया अध्यक्षताय् १५ म्ह दुजःया उच्चस्तरीय शासकीय सुधार आयोग गठन यायेगु नं निर्णय याःगु वय्कलं जानकारी बियादिल । लिसें थ्व हे वैशाख १६ निसें २२ गतेतक भारतया न्हूदिल्ली, देहरादुन व लखनउलय् निगूपक्षीय खँल्हाबल्हा यायेत सुदूरपश्चिम प्रदेश सरकारया मुख्यमन्त्री कमलबहादुर शाह व प्रमुख सचिव डा कमलप्रसाद पोखरेलया भ्रमण स्वीकृत यायेगु निर्णय याःगु दु ।
सासेक विद्युत् ट्रान्समिसन नापं वितरण आयोजना कार्यान्वयन यायेत ओपेक फन्ड फर इन्टरनेशनल डेभलपमेन्ट (ओफिड) पाखें १०० मिलियन अमेरिकी डलर बराबरया ध्यबा ऋण ग्वाहालि कायेत सैद्धान्तिक सहमति बिइगु व न्ह्यथनातःगु ऋणसम्बन्धी वित्तीय सम्झौतायात अन्तिम रूप बिइत सरकारपाखें अर्थ मन्त्रालयया सहसचिवया संयोजकत्वय् वार्ता टोली गठन यायेगु निर्णय जूगु मन्त्री गुरुङं कनादिल ।
सरकारं वइगु जेठ २४ गतेनिसें ३१ गतेतक जापानय् ग्वसाःग्वयेत्यंगु ‘काउन्टर पार्ट प्रोग्राम’य् ब्वति कायेत ऊर्जा, जलस्रोत नापं सिँचाइ मन्त्रालयया सचिव सरिता दवाडीयात स्वीकृति बिइगु, थ्व हे वैशाख २४ गतेनिसें २६ गतेतक श्रीलङ्का सरकारं कोलम्बोय् ग्वसाःग्वयेत्यंगु १७ क्वःगु ‘रिमेस काउन्सिल मिटिङ एण्ड फोर्थ रिमेस मिनिस्टेरियल कन्फ्रेन्स’य् कृषि नापं पशुपन्छी विकासमन्त्री रामनाथ अधिकारीयात ब्वति कायेत स्वीकृति बिइधुंकूगु दु ।
बैठकं थ्व हे वैशाख १५ व १६ गते येँय् जुइगु निक्वःगु ‘विलाटेरल टक्स विटविन नारकोटिक्स कन्ट्रोल अथोरिटिज अफ नेपाल एन्ड इन्डिया’य् गृह मन्त्रालयया सहसचिव नेतृत्वया नेपाःया प्रतिनिधिमण्डलयात ब्वति कायेत स्वीकृति बिइधुंकूगु दु ।
अथे हे थ्व हे वैशाख ८ गतेनिसें १२ गतेतक थाइल्याण्डया बैंककय् ग्वसाःग्वयेत्यंगु युनाइटेड नेसन्स इकोनोमिक एण्ड सोसियल कमिसन फर एसिया एण्ड द पेसिफिक (युनेस्क्याप) या ८१ क्वःगु सत्रय् अध्यक्षता यायेगुकथं ब्वति कायेत परराष्ट्रमन्त्रीयात स्वीकृति बिइगु निर्णय जूगु वय्कलं कनादिल ।
सरकारया नामय् दर्ता स्रेस्ता जुयाच्वंगु कपिलवस्तु जिल्ला, साविक बहादुरगञ्ज गाविस वडा ल्याः ८ ख या ८–१०–९ बिघा सरकारी जग्गा प्रदेशस्तरीय बागवानी स्रोत केन्द्र निर्माण यायेत कृषि, भूमि व्यवस्था नापं सहकारी मन्त्रालय लुम्बिनी प्रदेशयात छ्यलाबुला यायेत सरकारं स्वीकृति ब्यूगु दु ।
सरकारया नामय् दूगु रुपन्देही जिल्ला साविक मोतिपुर गाविस वडा ल्याः ७ ख या ०–८–० बिघा सरकारी जग्गा बुटवल उपमहानगरपालिका वडा ल्याः १९ या वडा ज्याकुथि भवन निर्माण यायेत बुटवल उपमहानगरपालिका रुपन्देहीयात छ्यलाबुला यायेत स्वीकृति बिइगु मन्त्रिपरिषद्ं निर्णय याःगु दु ।
सरकारं थ्व हे वैशाख ३० व ३१ गते जर्मनीया बर्लिनय् ग्वसाःग्वयेत्यंगु ‘युएन पिसकिपिङ मिनिस्ट्रयल २०२५’ य् रक्षामन्त्री मानवीर राई नेतृत्वया प्रतिनिधिमण्डलयात ब्वति कायेत स्वीकृति ब्यूगु दु ।
थ्व हे वैशाख व जेठय् ‘जोइन्ट इन्डो–माउन्टेनरिङ टु माउन्ट कञ्चनजङ्घा’ ज्याझ्वःअन्तर्गत भारतीय सेनापाखें १० म्ह व नेपाःया सेनापाखें १३ म्ह यानाः मुक्कं २३ म्ह आरोही दुथ्याःगु आरोहण दलयात कञ्चनजङ्घा च्वापुगुँ आरोहण यायेत तुइगु सलामी दस्तुर पूवंक छुट बिइगु निर्णय जूगु वय्कलं कनादिल ।
नेपाल व हङ्कङदथुइ ल्हाःचिं तइगु ‘एमओयु अन कल्चरल कोअपरेसन बिटविन द मिनिस्ट्री अफ कल्चर, टुरिजम एण्ड सिभिल एभिएसन अफ नेपाल एण्ड द कल्चर’, ‘स्पोर्टस् एण्ड टुरिजम ब्युरो अफ द गर्भरमेन्ट अफ द हङ्कङ स्पेशल एड्मिनिस्ट्रेटिभ रिजन अफ द पिपुल्स रिपब्लिक अफ चाइना’ विषयया समझदारीपौ स्वीकृत यायेगु व न्ह्यथनातःगु समझदारी पौलय् समकक्षीलिसे मिले जुयाः ल्हाःचिं तयेत नेपाल सरकारपाखें संस्कृति, पर्यटन नापं नागरिक उड्डयन मन्त्रालययात अख्तियारी बिइगु मन्त्रिपरिषदं निर्णय याःगु दु ।
सर्वोच्च अदालत व अन्तर्गतया निकायया दयाच्वंगु सङ्गठन संरचना व दरबन्दी संशोधन यायेगु, वइगु जेठ ११ गतेनिसें जेठ १३ गतेतक क्यानडाय् ग्वसाःग्वयेत्यंगु ‘ग्लोबल कन्फ्रेन्स फर अ कास्ट फ्रि वल्र्ड’ ज्याझ्वलय् ब्वति कायेत राष्ट्रिय दलित आयोगया अध्यक्ष देवराज विश्वकर्मायात स्वीकृति बिइगु सरकारं निर्णय याःगु दु ।
वैदेशिक सहायता परिचालन नीति, २०८२ स्वीकृत यायेगु, सार्वजनिक खरिद (प्यक्वःगु संशोधन) नियमावली, २०८२ स्वीकृत यायेगु, नेपाल प्रशासन सेवा समूहीकरणपाखेया राजपत्राङ्कित विशिष्ट श्रेणीया खालिगु पदय् सहसचिव चन्द्रकला पौडेलयात बढुवा बियाः मुख्यमन्त्री नापं मन्त्रिपरिषद्या ज्याकुथि, कोशी प्रदेशया प्रमुख सचिव पदय् पदस्थापन यायेगु निर्णय जूगु मन्त्री गुरुङं जानकारी बियादिल ।
मुख्यमन्त्री नापं मन्त्रिपरिषद्या ज्याकुथि, कोशी प्रदेशया प्रमुख सचिव केदारनाथ शर्मायात भूमि व्यवस्था, सहकारी नापं गरिबी निवारण मन्त्रालयया सचिव पदय् सरुवा यायेगु निर्णय नं सरकारं याःगु प्रवक्ता गुरुङं कनादिल ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
