- अनामनगर काठमाडौँ
- infobikalpa21@gmail.com
येँ : धार्चे गाउँपालिकां भूमिहीन दलित छेँजःपिंत शनिबाः जग्गाधनी पुर्जा (लालपुर्जा) वितरण याःगु दु । गाउँपालिकाया नायः लक्ष्मण गुरुङं भूमि समस्या समाधान आयोग जिल्ला समिति पाखें भूमिहीन दलित छेँजःपिंत लालपुर्जा बियूगु धयादिल । मङ्गले विक, राजु विक, आइतसिंह कामी व रामबहादुर कामीयात जग्गाधनी पुर्जा ब्यूगु खः ।
विसं २०८० चैतय् हे गाउँपालिकां आयोगनाप समन्वय यानाः भूमिहीन दलितयात पुर्जा वितरणया लिपांगु तयारी याःगु जुसां सरकारं तत्कालीन आयोग खारेज याःगुलिं पुर्जा वितरणया ज्या थ्यंमथ्यं दत्या न्ह्यः निसें दिनाच्वंगु खः ।
गाउँपालिकाया भूमिहीन सुकुम्बासीतय् धाःसा छगू नं निवेदन मवःगु गाउँपालिकाया नायः गुरुङया धापू दु । धार्चेय् अव्यवस्थित बसोबासी धाःसा निसः व ५० गू सिबें अप्वः निवेदन वःगु व उमित नं जग्गाधनी पुर्जा बिइत माःगु प्रक्रिया न्ह्याकूगु धाःगु दु ।
गण्डकी प्रदेशसभा दुजः नन्दप्रसाद न्यौपानें दलित छेँजःतय्त पुर्जा लःल्हानादीगु खः । विसं २०७९ असारय् आयोगनाप गोरखाया ११ स्थानीय तहं भूमिहीन दलित, भूमिहीन सुकुम्बासीत व अव्यवस्थित बसोबासीतय्त जग्गा बिइगु प्रक्रिया न्ह्याकेगु सहमति याःगु खः ।
तः दँ लिपा थःम्हेस्यां बुँज्या यानावयाच्वंगु जग्गाया पुर्जा कायेखनाः धार्चेया भूमिहीन दलित छेँजःपिं लय्ताःगु दु । “थःगु नामय् जग्गाया पुर्जा कायेमखंकं सीलाकि धयागु तायेकागु खः”, भूमिहीन दलितमध्येया छम्ह आइतसिंहं धयादिल, “गाउँपालिकां पहल यानाः पुर्जा थःगु नामय् बियादिल, तसकं लय्तानाच्वनागु दु ।”
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
