- अनामनगर काठमाडौँ
- infobikalpa21@gmail.com
येँ : प्रधानमन्त्री लिसें नेपाल कम्युनिष्ट पार्टी (एमाले)या नायः केपी शर्मा ओलीं थःगु बेडरुमतक विचौलियाया पहुँच दु धकाः लज्यामचासें धाःपिंत द्वपं प्रमाणित यायेत हाथ्या बियादीगु दु ।
मदनभण्डारी फाउण्डेशनया प्यक्वःगु राष्ट्रिय सम्मेलनया थौं थन उलेज्या यानादिसें प्रधानमन्त्री ओलीं राजनीतिइ छिर्के दाउ म्हितीपिं, षडयन्त्र याइपिं व झेला खेलाडीं लज्यामचासें थुजागु द्वपं ब्यूगु धयादिल ।
देसय् एमाले व नेपाली कांग्रेसया ब्वतिइ मंकाः सरकार दय्केमाःगु ईया आवश्यकता खः धयादिसें वय्कलं राजनीतिक स्थायित्व, विकास व सुशासनं गति काये त्यंगु इलय् सरकार व नेतृत्वविरुद्ध मखूगु द्वपं वयेगु यानाहःगु धयादिल । वय्कलं धयादिल, “एमालें थःत आः वइगु निर्वाचनपाखें निर्णायक राष्ट्रिय शक्तिइ हिलेगु आज्जुइ दु । जिपिं जिमीगु थःगु विचाः, इमान व सत्यया राजनीतिपाखें स्थापित जुइ ।
नेपाली कांग्रेसया सभापति शेरबहादुर देउवा थाइल्याण्डं लिहांवयेधुंकाः सरकार क्वदली धकाः भ्रणय् लाकाच्वंपिंसं छ्यनय् आः ख्वाउँगु लः प्वंकूगु तायेकूगु वय्कलं धयादिल ।
पार्टीदुनेया राजनीतिया हकय् यक्व आलोचनात्मक चेतय् बः बिइम्वाःगु धयादिसें प्रधानमन्त्रीं विश्लेषणात्मक चेत तयेत सुझाव बियादिल । “पार्टी दुने एकताया चेत माः । विरोधीया द्वपंया खण्डन यायेमाः । विरोधीनाप ल्वाये मपूm अले पार्टीदुने आलोचनात्मक चेत क्वबिइगु लँ बाँलाःगु मखु”, वय्कलं धयादिल ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
