- अनामनगर काठमाडौँ
- infobikalpa21@gmail.com
येँ : दुबईलय् उत्पादित छेँय् माःगु विद्युतीय सामग्रीया आधिकारिक बिक्री नेपालय् सुरू जूगु दु । नोबेल इलेक्ट्रोनिक्स नेपाल प्रालिं नेपालय् नोबेल ब्राण्डया औपचारिक सुरूआत याःगु खः । थ्व ब्राण्ड दक्षिण एसियाय् हे न्हापांखुसी नेपालय् दुहाँवःगु कम्पनीं कंगु दु ।
नेपाःया निंतिं संयुक्त अरब इमिरेट्स (युएई)या राजदूत अब्दुल्ला सइद मुबारक जर्वान अलशाम्सीं येँया बत्तीसपुतलीइ सुरू याःगु बिक्रीकक्षया थौं उलेज्या यानादिसें नेपाःया उपभोक्तादथुइ दुबईया छेँय् छ्यलीगु विद्युतीय सामग्री दुहाँवःगुलिं लसता प्वंकादिल । वय्कलं छेँय् छ्यलीगु इलेक्ट्रोनिक्स एप्लायन्सया गुणस्तर सुनिश्चित व उपभोक्तातय् पहुँच अभिवृद्धि यायेत कम्पनीं ध्यान बिइमाःगु खँ न्ह्यथनादिल ।
येँय् मुख्य ‘बिक्री कक्ष’ व विराटनगरय् शाखा चायेकूगु कम्पनीं धाःगु दु । विशेषयानाः मेजर एन्ड स्मल डोमेस्टिक एप्लायन्स, कन्जुमर इलेक्ट्रोनिक्स एप्लायन्स व बिल्ट–इन एप्लायन्सतय्गु उत्पादनया निंतिं नांजाः । थ्व ब्राण्ड २६ स्वयां अप्वः देसय् चकनाच्वंगु दु । उपभोक्तातय्त गुणस्तर व भरदूगु सेवाय् न्हूगु मापदण्ड स्थापित यानावयाच्वंगु कम्पनीया दाबी दु ।
उपभोक्तातय् सन्तुष्टिया निंतिं गुणस्तरीय व भरदूगु सेवा बिइगु ताःतयाः नोबेल ब्राण्ड नेपाः दुतहया धकाः कम्पनीया महाप्रबन्धक सञ्जिता कार्कीं धयादिल । “जिपिं नोबेलयात नेपालय् हयेखनाः तसकं उत्साहित जुयाच्वना, नेपाःया छेँजःपिंत उच्च गुणस्तरया होम एप्लायन्सेसपाखें जीवनयात सहज दयेके मास्तिवः”, वय्कलं धयादिल, “जिमिगु उत्पादनतय्के आधुनिक छेँजःपिनिगु आवश्यकता पूवंकीगु अत्याधुनिक प्रविधि, भरदूगु सेवा व पाय्छि मू संयोजन जुयाच्वंगु दु ।”
थ्व ब्राण्डं युरो, चीन, भारत, टर्कीलिसेंया हलिंया च्वन्ह्याःगु कारखानापाखें सामग्री सङ्कलन यानाः भरदूगु व अत्याधुनिक उत्पादनत बजारय् थ्यंकूगु कम्पनीं पिकाःगु विज्ञप्तिइ धयातःगु दु । नोबेलं थःपिनिगु दक्व उत्पादनतय्के विशेष न्हापांगु ह्वःताःत बियाच्वना धकाः धाःगु दु । नोबेलया रेफ्रिजेरेटर, वासिङ मेसिन, एयर कन्डिस्नर, माइक्रोवेभ, टिभी, आइरनलिसेंया उत्पादनत दु । दक्व कथंया उपभोक्तातय्त गुणस्तरीय सामग्री उपलब्ध याका धकाः धाःगु दु ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
