- अनामनगर काठमाडौँ
- infobikalpa21@gmail.com
सोलुखुम्बु : रक्षामन्त्री मानवीर राईं नेपाःया सेना मुलुकय् वइगु दक्व कथंया समस्या व विपदया सामना यायेत सक्षम जूगु धयादीगु दु ।
रक्षा मन्त्रालयं थौं सल्लेरीइ ग्वसाःग्वःगु ‘राष्ट्रिय निकुञ्ज नापं वन्यजन्तु आरक्षया सुरक्षासम्बन्धी अन्तरक्रिया’ ज्याझ्वलय् रक्षामन्त्री राईं नेपाःया सेना सीमा सुरक्षा वा शान्ति सुरक्षाया निंतिं जक मखुसे मुलुकय् वइगु दक्वं समस्याया सामना यायेत सक्षम जू धकाः धयादिल । वय्कलं प्राकृतिक विपद्, सङ्कट व मेमेगु आपत्कालीन अवस्थाय् नं सक्रिय जुयाच्वनीगु संस्थाया कथं नेपाली सेना स्थापित जुइधुंकूगु न्ह्यथनादिल ।
“खुसिबाः, चलः, हिमताल तज्याइगु, डुबान, भुखाय्लिसें थी थी प्राकृतिक विपद्या इलय् नेपाःया सेनां क्यंगु सक्रियता व समर्पण न्ह्यथनेबहजू”, मन्त्री राईं धयादिल, “जिल्लाया थामे लागाय् हिमताल तज्यानाः खुसिबाः वःगु इलय् सेनां जनजीवन बचे यायेत म्हितूगु भूमिका थुकिया दसु खः ।” वय्कलं नेपाःया सेना न्ह्याबलें देय्या आवश्यकताकथं ज्या याइगु संस्थाकथं जिम्मेवार जुयावयाच्वंगु धयादिल ।
सगरमाथा राष्ट्रिय निकुञ्जया संरक्षण नापं सुरक्षा ज्याय् तकं सेना समर्पित जुयाच्वंगु मन्त्री राईं न्ह्यथनादिल । राष्ट्रिय सुरक्षाया नापनापं वातावरण संरक्षण, विपद् व्यवस्थापन व समुदायलिसेया समन्वयकय् सेनाया भूमिका प्रभावकारी जूगु वय्कलं धारणा तयादिल ।
उगु अन्तरक्रिया ज्याझ्वलय् नेपाःया सेना, सशस्त्र प्रहरी, राष्ट्रिय निकुञ्जया प्रतिनिधि, स्थानीय तहया जनप्रतिनिधिलिसें स्वापू दूगु निकायतय् प्रतिनिधितय्गु नं ब्वति दूगु खः ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
