- अनामनगर काठमाडौँ
- infobikalpa21@gmail.com
येँ : परराष्ट्रमन्त्री डा आरजु राणा देउवा व जापानया विदेशमन्त्री इवाया ताकेसीदथुइ थौं टोकियोलय् निगूपक्षीय खँल्हाबल्हा जूगु दु । जापान भ्रमणय् झायाच्वनादीम्ह मन्त्री डा राणा व जापानी विदेशमन्त्री ताकेसीदथुइ थौं टोकियोया विदेश मन्त्रालयकय् नापलानाः खँल्हाबल्हा जूगु खः ।
उगु झ्वलय् नेपाल जापान निगूपक्षीय सम्बन्ध, थवंथः भिं जुइगु व मंकाः च्यूताःया थी थी विषयकय् खँल्हाबल्हा जूगु खः । नाप लायेगु झ्वलय् मन्त्री डा राणां नेपाःया आर्थिक, सामाजिकलिसेंया ख्यलय् ताः ई न्ह्यःनिसें यानावयाच्वंगु ग्वाहालिया नितिं नेपाःपाखें जापान सरकार व जापानी नागरिकतय्त सुभाय् देछानादीगु परराष्ट्र मन्त्रालयं धाःगु दु ।
अथे हे डा राणां नेपाः सन् २०२६ लिपा अतिम्ह्वः विकसित देय्पाखें विकासोन्मुख देय्कथं स्तरोन्नति जुइत्यंगु जानकारी बियादिसें मद्दिक ग्वाहालि यानावयाच्वंगु मित्रराष्ट्र जापानपाखें अनंलिपा नं नेपाःयात ग्वाहालि दयाच्वनी धइगु भलसा प्वंकादिल ।
वय्कःपिं दथुइ नेपाल–जापान सम्बन्धया ७० दँया इतिहासया थी थी पक्षय् नं खँल्हाबल्हा जुल । सन् १९५६ य् कूटनीतिक सम्बन्ध स्थापना जूगु एसियाली देय् नेपाः व जापानं आइक्वं कूटनीतिक सम्बन्ध स्थापनाया ७० क्वःगु वार्षिकोत्सव न्यायेकेत्यंगु दु । उगु झ्वलय् मन्त्री डा राणां आइक्वं निगू देय्या कूटनीतिक सम्बन्ध स्थापनाया ७० क्वःगु वार्षिकोत्सवया लसताय् जापानी विदेशमन्त्री ताकेसीयात नेपाल भ्रमणया ब्वना बियादीगु खः ।
नेपालय् लगानीया निंतिं जापानी उद्योगी, व्यवसायीतय्त हःपाः बियादीत विदेशमन्त्री ताकेसीयात इनाप यानादिसें लगानी लिच्वःया ल्याखं तसकं सम्भावना दूगु नेपालय् वैदेशिक लगानीयात सुरक्षा व सुनिश्चिता यायेत सरकारपाखें आवश्यक व्यवस्था यायेधुंकूगु मन्त्री डा राणां जानकारी बियादिल ।
परराष्ट्रमन्त्री डा राणां नेपाः व जापानदथुइ औपचारिक कूटनीतिक सम्बन्धस्वयां नं सलंसः दँ पुलांगु सम्बन्ध दयावयाच्वंगु प्रसङ्ग न्ह्यथनादिसें धयादिल, “निगू देय्दथुइ भगवान गौतम बुद्धया शिक्षापाखें प्रेरित प्राचीन सामाजिक–सांस्कृतिक सम्बन्ध दयावयाच्वंगु दु । बुद्ध बूगु थाय् लुम्बिनी नेपाः व जापानी नागरिकदथुइया छगू सांस्कृतिक ताँ नं खः ।”
लुम्बिनीलिसें नेपाःया प्राकृतिक नापं सांस्कृतिक अलौकिक सम्पदाया अध्ययन नापं अवलोकन यायेत नेपालय् दँय्दसं द्वलंद्वः जापानी पर्यटक वइगु धयादिसें मन्त्री डा राणां वइगु इलय् नं पर्यटनया ख्यलय् निगू देसं यायेफइगु सहकार्यया बारे नं खँल्हाबल्हा जूगु खः ।
उगु झ्वलय् मन्त्री डा राणां नेपालं थ्व हे वालय् ग्वसाःग्वःगु सगरमाथा संवादय् जापान सरकारया पाखें उपविदेशमन्त्रीया नेतृत्वय् जूगु सक्रिय व सिर्जनात्मक ब्वतिया नितिं विशेष सुभाय् नं बियादीगु परराष्ट्रमन्त्री डा राणाया सचिवालयं धाःगु दु ।
ज्येष्ठ नागरिकतय् सामाजिक एकान्ततासम्बन्धी अन्तरराष्ट्रिय सम्मेलनय् ब्वति कायेत शनिबाःकुन्हु जापान झायादीम्ह डा राणां विदेशमन्त्री ताकेसीलिसे थौं नापलानादीगु खः ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
