विप्लव लक्ष विमुख भएकाे आराेप लगाउँदै, जिल्ला अध्यक्ष र उपाध्यक्षले प्रहरी समक्ष आत्म समर्पण गरे

नयाँ विकल्प,

काठमाडाैं- विप्लव समूहको नेपाल कम्युनिस्ट पार्टीका दुई नेताले प्रहरी समक्ष आत्मसमर्पण गरेका छन् ।

आत्मसमर्पण गर्नेमा विप्लव नेतृत्वकाे विद्यार्थी संगठन अखिल क्रान्तिकारी (विप्लव)का जिल्ला अध्यक्ष कमलामाई नगरपालिका– २ निबुवाटार स्थायी ठेगाना भएका सविन श्रेष्ठ र जिल्ला उपाध्यक्ष तीनपाटन गाउँपालिका– ५ सहरे स्थायी ठेगाना भएका होमबहादुर सार्की रहेकाे जिल्ला प्रहरी कार्यालय सिन्धुलीले जनाएकाे छ ।

दुवै जनाले जिल्ला प्रशासन कार्यालय सिन्धुलीमा प्रमुख जिल्ला अधिकारी याेगेन्द्र प्रसाद पाण्डे र सुरक्षा निकायका प्रमुखसमक्ष आत्मसमर्पण गरेका हुन् ।

दुवै जनालाइ जिल्ला अदालत सिन्धुलीले धराैटीमा रिहा गर्न आदेश गरेकाे छ । प्रमुख जिल्ला अधिकारी पाण्डेले दुवैजानाले विप्लव समुहसंग आगामी दिनमा कुनै पनि संलग्नता नरहने प्रतिवद्दता समेत ब्यक्त गरेका छन् ।

पाण्डेले आत्मसमर्पण गरेका उनिहरूले विगतमा गरेका गल्ती स्वीकार गर्दै अब उप्रान्त कुनै पनि प्रतिबन्धित कार्य नगर्ने तथा राज्य विरुद्धको गतिविधिमा संलग्न नहुने प्रतिबद्धता जाहेर गरेका छन् ।

विगतमा केही गल्ती–कमजोरी गरेकाले त्यसको पश्चात्ताप गर्न अहिले आत्मसमर्पण गरेको उनीहरूले प्रशासन समक्षा बताएकाे पाण्डेले बताए ।

शिक्षा क्षेत्रमा भइरहेका विकृति अन्य र शिक्षा सुधारकाे लक्ष सहित नेकपाको राजनीतिमा सक्रिय भएको तर पार्टीको सिद्धान्त विपरित अगाडि बढेपछि परित्याग गरेकाे उनिहरूले बताएक छन् ।

दुवैजनामाथी राज्य विरूद्दकाे अभियाेग लागे पनि गम्भिर अपधामा संलग्न नरहेकाले अदालतले समान्य धराैटिमा रिहा गरेकाे हाे ।