कर्णाली प्रदेशमा कांग्रेस, सुदूरमा एमालेको नेतृत्वमा नयाँ सरकार बन्दै

नयाँ विकल्प
प्रकाशित मिती: २०८३ बैशाख ३०, १५: ३६

काठमाडौं । नेपालको सुदूरपश्चिम प्रदेशका ९ जिल्लामा प्रदेश सदस्य ५३ सिट मध्ये कांग्रेस सबैभन्दा ठूलो दल १८ सिट, एमालेमा ११, माओवादीका ११, उन्मुक्ति पार्टीका ७, समाजवादीमा ४ र राप्रपामा १ जना गरेर ५३ सिट रहेका छन् भने १ प्रदेश सांसद निलम्बन रहेको छ । कांग्रेस एमालेको गठबन्धन गरी सरकार बनाउन पुग्ने हुँदा कांग्रेस एमाले गठबन्धनबाट सरकार बन्ने सम्भावना छ ।

जस अनुसार वर्तमान मुख्य मन्त्री रहेका कमलबहादुर शाह आफ्नो क्षेत्रदेखि विवादित बन्दै गएपछि सरकारको नेतृत्व गर्ने १२ जनाले कमल बहादुर शाहलाई संसदीय दलको नेताबाट हटाउन दस्तखत गरिसकेको बुझिएको छ । कांग्रेसको केन्द्रीय नेतृत्व परिवर्तनपछि सुदूरपश्चिमा चुनावी सभा समेत गर्न नदिएका देउवा पक्षीय नेताहरुले कैलालीमा भएको प्रदेश र स्थानीय तह केन्द्रीत प्रदेश स्तरीय भेला तथा प्रशिक्षण कार्यक्रममा देउवा पक्षीय अधिकांश नेताहरुको उपस्थितिले अब जहाँ रुख र चारतारे झण्डा त्यहाँ कांग्रेस भन्दै सुदूरपश्चिम सरकारमा नेतृत्व गरिरहेका मुख्यमन्त्रीदेखि मन्त्रीहरु एयरपोर्टमा गगन थापाको स्वागत गर्न पुगेका थिए । त्यसैगरी सुदूरपश्चिमका ९ जिल्लाका अधिकांश नेताहरु उक्त भेलामा सहभागी भएको कार्यक्रम संयोजन गरिरहेका सहमहामन्त्री प्रकाश रसाइलीले जानकारी दिए ।

सुदूरपश्चिमका रमेश लेखक, एनपी साउद, वीरबहादुर बलायर र नारायणदत्त भट्ट बाहेक सुदूरपश्चिमी नेताहरुको उल्लेखनीय उपस्थिति रहेको थियो । विवादित मुख्यमन्त्री कमलबहादुर शाहले मुख्यमन्त्री पद बचाउन गगन थापाको नेतृत्व स्वीकार गरेर ८ वर्ष लानुपर्ने भन्दै कांग्रेस एक ढिक्का बनाउन आग्रह गरेका थिए । तर पनि विवादको भूमरीमा फस्दै गएका मुख्यमन्त्री कमलबहादुर शाह विरुद्ध १० जनाले हस्ताक्षर नै गरिसकेको र थप दुई जनाले हस्ताक्षर गरेर संसदीय दलमा बुझाउने तयारी रहेको हुँदा मुख्यमन्त्री रहेका कमलबहादुर शाह पदमुक्त हुने देखिन्छ । ततपश्चात एमालेका संसदीय दलका नेता राजेन्द्रबहादुर रावलको नेतृत्वमा नयाँ सरकार गठन हुने सम्भावना बढेर गएको छ ।

त्यसैगरी, कर्णाली प्रदेशमा पनि वर्तमान नेतृत्वकर्ता मुख्यमन्त्री यामलाल कँडेलको नेतृत्व परिवर्तन गरेर पूर्वमुख्यमन्त्री जीवन बहादुर शाहीलाई मुख्यमन्त्री बनाउने तयारी रहेको बुझिएको छ । जसअनुसार कर्णालीमा प्रदेश सदस्य ४० सिटमध्ये नेपाली कांग्रेसको १४, एमालेको १०, नेकपाको १४, राप्रपा १ र स्वतन्त्र १ रहेका छन् ।

सम्बन्धित समाचार

सामुदायिक वन क्षेत्रमा कृत्रिम ड्याम निर्माण, सिंचाइमा सहज

२०८३ बैशाख ३०, १५: ३६

तुलसीपुर (दाङ) : दाङको तुलसीपुर उपमहानगरपालिका–१८ स्थित रानी सामुदायिक वन क्षेत्रमा निर्मित कृत्रिम ड्याम निर्माण भएपछि स्थानीय किसानहरूका लागि सिंचाइ सुविधामासहजता...