जनप्रतिनिधि माफियाको चंगुलमा फसेपछि ! – Naya Bikalpa
November 16, 2026, Monday      Epaper

जनप्रतिनिधि माफियाको चंगुलमा फसेपछि !

आम जनताले प्रत्यक्ष महसुस हुने गरी सार्वजनिक सेवा, सुविधा पाउनु पर्ने स्थानीय तहमा मनपरितन्त्र हावी भएको छ । मुुलुक संघीयतामा प्रवेश गरेसँगै स्थापना भएका स्थानीय तहलाई संविधानले अत्याधिक मात्रामा अधिकार दिएको छ ।

सिंहदरबार अब घरघरमा भन्ने नारालाई सुनेर मख्ख परेका सर्वसाधारणले जनप्रतिनिधि चुनिएको ६–७ महिना भन्दा बढी समय वितिसक्दा पनि सिंहदरबार घरघरमा आएको महसुन गर्न सकेका छैनन् । जन्मदर्तादेखि लिएर नामसारी, विवाह दर्ता, नक्सा पास, विद्यालय दर्ता लगायतका अधिकार स्थानीय तहमा छ । तर पनि विभिन्न काम र समस्या लिएर पुगेका सेवग्राही भनेको समयमा काम नहुँदा हैरान भएका छन् ।

पहिलाको कर्मचारीतन्त्रको स्थानीय निकाय भन्दा पनि आफुले नै चुनेका जनप्रतिनिधिहरु मनपरितन्त्र र माफियाको चंगुलमा परेपछि सर्वसाधारण निराश भएका छन् । छिटो, सरल र सहज रुपमा कार्यसम्पादन गरी जनताको सेवा गर्ने वाचा गरी चुनाव लडेका जनप्रतिनिधिहरु कसरी पैसा कुम्ल्याउने भन्नेतर्फ केन्द्रित हुन थालेपछि जनतामा निराशा छाएको हो । काठमाडौँको सबै स्थानीय तहमा अहिले यस्तै गुनासो बढ्दै गएको छ । नीति नियममा रहेर सार्वजानिक हितका लागि गर्नुपर्ने कामहरु दलविशेष र पैसावालाको प्रभावमा परेर जनप्रतिनिधि लोकल राजा बनेको स्थानीय बताउँछन् ।

पैसावाला र पहुँचवालाको विना रोकटोक काम हुने तर सर्वसाधारण जनताको काममा कुनै वास्ता नगरिने बताउँछन् । नियम विपरित राजधानीका विभिन्न ठाँउमा भईरहेको जग्गा प्लटिङमा जनप्रतिनिधि मौन छ । दिउँसो नदेखेझै गर्ने र बेलुका रेष्टुँरामा जग्गा दलाल सँगसँगै बसेर सेटिङ गर्ने गरेको पाइएको छ ।

मापदण्ड नपुगेका घरका नक्सा, गल्लिहरुमा छोड्नु पर्ने १३ फुटको सडक निर्माणमा अहिले मनपरी छ । स्थानीय तहका लागि तय गरिएका मापदण्ड कार्यान्वयन गर्ने तर्पm लाग्नु जनप्रतिनिधिको दायित्व हो । तर मोटो रकमको चलखेलमा जनप्रतिनिधिहरु फस्दा यसले दुर्गामी असर पर्ने देखिन्छ । स्थानीय तहको अधिकारको दुरुपयोग गर्दै विभिन्न सार्वजानिक जग्गा, बन–जंगल लगायतका प्राकृतिक स्रोतहरु मनपरी रुपमा दोहन गरिरहेका छन् ।

भू–माफियाको चंगुलमा परेर स्रोतहरुको जनप्रतिनिधिहरुले सार्वजानिक जग्गाहरु प्लटिङ गराउने काम समेत गरिरहेका स्रोतको दाबी छ । सार्वजानिक सेवा प्रवाहमा कटिबद्ध रहनुपर्नेमा तिनै प्रतिनिधिहरुबाट जनताले उल्टै सास्ती व्यहोर्नु परेका छ । अहिले मुद्धामामिला लगायतका सेवा प्रवाहमा समेत सुस्तता आएको सेवाग्राही बताउँछन् ।

राजनीतिक दलहरुले पनि दबाब र प्रभावमा परेर जस्तो पनि उम्मेदवार उठाएका कारण सक्षम र अपरिपक्व जनप्रतिनिधिको अभाव अहिले देखिन थालेको छ । त्यसमा पनि दलगत स्वार्थबाट ग्रसित हुँदा एकले अर्काेको निर्णय उल्टाउने प्रवृत्तिले पनि जनप्रतिनिधि जनता प्रति गैरजिम्मेवार बन्दै गएको प्रष्ट देखिन्छ । नगरपरिषदबाट एउटा निर्णय हुने र वडाले अर्के निर्णय कार्यान्वयन गर्नु लगायतका यावत कारणहरुले जनताले गरेको हाल आएर आशा निराशामा परिणत भएको छ ।

सम्बन्धित समाचार

समावेशिता र संघीयताले प्रजातन्त्रलाई बलियो बनाएको छ : गगन थापा
समावेशिता र संघीयताले प्रजातन्त्रलाई बलियो बनाएको छ : गगन थापा
  • २०७४ माघ २२, ०९: ३०

वीरगञ्ज । नेपाली कांग्रेसका सभापति गगनकुमार थापाले मुलुक समावेशिता र संघीयताको अभ्यासमा गएपछि प्रजातन्त्र थप बलियो बनेको बताएका छन् ।...

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०७४ माघ २२, ०९: ३०

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...

उदाउँदो सूर्यलाई अर्घ दिँदै छठ पर्व सम्पन्न
उदाउँदो सूर्यलाई अर्घ दिँदै छठ पर्व सम्पन्न
  • २०७४ माघ २२, ०९: ३०

काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...