- अनामनगर काठमाडौँ
- infobikalpa21@gmail.com
काठमाडौं : नेपाली कांग्रेसका सभापति गगनकुमार थापा ले राज्यले नागरिकको आवाज दबाउँदै अधिनायकवादी शैलीमा शासन सञ्चालन गर्न खोजेको आरोप लगाएका छन्। ४४औं बी.पी. स्मृति दिवसको तयारीका क्रममा नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानले आयोजना गरेको विशेष छलफलमा बोल्दै उनले यस्तो टिप्पणी गरेका हुन्।
उनले बी.पी. कोइराला को ऐतिहासिक दृष्टिकोण स्मरण गर्दै नागरिकलाई सत्तामाथि प्रश्न उठाउने अधिकार कसैले पनि रोक्न नसक्ने बताए। “पार्टी नेताका घर, मिडियाका कार्यालय र व्यवसायीका क्षेत्रमा गाडी तेस्र्याएर क्षति पुर्याउने अधिकार राज्यसँग हुँदैन,” उनले भने।
सभापति थापाले हालैका घटनाप्रति संकेत गर्दै सुकुम्बासी समस्या र गणेश नेपालीको आत्मदाहपछि उठेका प्रश्नलाई दबाउन राज्यले यस्तो व्यवहार देखाएको दाबी गरे। उनले सुकुम्बासी समस्या दलीयकरण गर्ने कांग्रेसको नीति नरहेको स्पष्ट पार्दै कानुनी समाधान खोज्नुको सट्टा सरकारले नै समस्या जटिल बनाएको आरोप लगाए। “राज्य नागरिकको अभिभावक बन्नुपर्नेमा मानव जीवनप्रति करुणाविहीन देखिएको छ,” उनले भने।
त्यस्तै, उनले आगामी कार्यक्रमबारे जानकारी दिँदै २०८३ साउन ६ गते ‘जरा अभियान’ सम्पन्न भएपछि साउन ७ गतेदेखि भदौ २४ सम्म नयाँ अभियान घोषणा गरिने बताए। कांग्रेस अब घटनापछि प्रतिक्रिया दिने मात्र नभई सम्भावित समस्यालाई पहिल्यै उजागर गर्ने अभियानमा केन्द्रित हुने उनले उल्लेख गरे।
कार्यक्रममा पार्टी उपसभापति विश्वप्रकाश शर्मा ले बी.पी. स्मृति दिवसका अवसरमा साउन ६ गते पाँच किलोमिटर ‘ग्रिन रन’, चित्रकला तथा संवाद कार्यक्रम आयोजना गरिने जानकारी दिए। जलवायु परिवर्तन र यसको प्रभावलाई केन्द्रमा राखेर कार्यक्रम गरिन लागिएको उनले बताए। साथै, साउन ७ गते राष्ट्रिय सभागृहमा विचार गोष्ठी आयोजना गरिने जानकारी पनि उनले दिए।
आजको छलफलमा पार्टीका केन्द्रीय पदाधिकारी, केन्द्रीय सदस्य, भ्रातृ संस्थाका प्रतिनिधि, उपत्यकाका जिल्ला सभापतिहरू तथा प्रतिष्ठानका सदस्यहरूको उपस्थिति रहेको थियो।
बेलटार, उदयपुर : उदयपुरको चौदण्डीगढी नगरपालिका क्षेत्रमा पछिल्लो समय अनपेक्षित रूपमा विद्युत कटौती बढेको भन्दै नेपाली कांग्रेस नगर कार्यसमितिले नेपाल...
काठमाडौं : बहुचर्चित नक्कली भुटानी शरणार्थी प्रकरणमा जिल्ला अदालत काठमाडौंले दोषी ठहर भएका विभिन्न उच्च पदस्थ व्यक्तिहरूलाई सजाय निर्धारण गरेको...
काठमाडौं : नेपाली कांग्रेसले सुकुम्वासी समस्या समाधानका लागि साझा राष्ट्रिय दृष्टि निर्माण गर्न संसदमा सार्वजनिक महत्वको प्रस्ताव अघि बढाउन संसदीय...
