- अनामनगर काठमाडौँ
- infobikalpa21@gmail.com
काठमाडौँ : देशभर प्रहरी कार्यालयमा दर्ता हुने आपराधिक मुद्दाको संख्या बढेको छ । आर्थिक वर्ष २०८२/८३ मा अघिल्लो आर्थिक वर्षको तुलनामा अपराध ४.३५ प्रतिशतले वृद्धि भएको नेपाल प्रहरीले जनाएको छ।
प्रहरी प्रधान कार्यालयले शुक्रबार सार्वजनिक गरेको तथ्यांक अनुसार आर्थिक वर्ष २०८२/८३ मा देशभरका प्रहरी कार्यालयमा ६१ हजार १६ मुद्दा दर्ता भएका छन् ।
अघिल्लो आर्थिक वर्ष २०८१/८२ मा ५८ हजार ४७२ मुद्दा दर्ता भएका थिए । यस आधारमा एक वर्षमा दर्ता भएका मुद्दाको संख्या दुई हजार ५४४ ले बढेको छ ।
प्रहरी प्रधान कार्यालयमा आयोजित कार्यक्रममा केन्द्रीय प्रहरी प्रवक्ता प्रहरी नायब महानिरीक्षक (डीआईजी) अबिनारायण काफ्लेले अघिल्लो वर्षको तुलनामा अपराध ४.३५ प्रतिशतले वृद्धि भएको जानकारी दिएका हुन् ।
प्रहरीको तथ्यांकअनुसार आर्थिक वर्ष २०७९/८० मा देशभर ५६ हजार ३२३ मुद्दा दर्ता भएका थिए । आर्थिक वर्ष २०८०/८१ मा उक्त संख्या बढेर ५९ हजार २०३ पुगेको थियो ।
आर्थिक वर्ष २०८१/८२ मा भने मुद्दा संख्या केही घटेर ५८ हजार ४७२ मा झरेको थियो । पछिल्लो आर्थिक वर्ष २०८२/८३ मा पुनः बढेर ६१ हजार १६ पुगेको हो ।
यसरी चार आर्थिक वर्षको तथ्यांक हेर्दा बीचमा केही कमी देखिए पनि समग्रमा प्रहरी कार्यालयमा दर्ता हुने आपराधिक मुद्दाको संख्या बढ्दो क्रममा देखिएको छ ।
प्रहरीका अनुसार पछिल्लो समय परम्परागत अपराधसँगै प्रविधि र वित्तीय कारोबारसँग जोडिएका अपराध बढेका छन् ।
विशेष गरी साइबर अपराध, बैंकिङ कसुर, अनलाइन ठगी तथा वैदेशिक रोजगारीका नाममा हुने ठगीका घटनामा वृद्धि देखिएको प्रहरीले जनाएको छ ।
डिजिटल प्रविधि र अनलाइन वित्तीय कारोबारको प्रयोग विस्तारसँगै अपराधको स्वरूपसमेत परिवर्तन हुँदै गएको प्रहरीको तथ्यांकले देखाएको छ ।
काठमाडौं : एघार दिनअघि रसुवाको भोटेकोशी नदीमा आएको बाढीले नुवाकोटको विदुर नगरपालिका–१० बेत्रावती बजारका अधिकांश घर पुर्यो । कतिपय बाढीमा...
काठमाडौं : प्रदर्शनका क्रममा रहेको चलचित्र ‘पेन्सन पट्टा’ को ट्रेलर काठमाडौंस्थित भारतीय दूतावासमा प्रदर्शन भएको छ । चलचित्रको कथासँग प्रत्यक्ष...
काठमाडौं । रसुवामा आएको भोटेकोशी बाढीबाट भएको क्षति तथा आवश्यक स्रोत पहिचानका लागि गठित र्यापिड ड्यामेज एन्ड निड एसेसमेन्ट (आरडीएनए)...
