- अनामनगर काठमाडौँ
- infobikalpa21@gmail.com
काठमाडौं : रसुवाको स्याफ्रुबेसीस्थित चिलिमे पावर हाउसको सुरुङमा फसेकाहरूको उद्धारका लागि खटिएको संयुक्त नेपाली–भारतीय प्राविधिक टोली सुरुङभित्र करिब १०० मिटर अगाडिसम्म पुग्न सफल भएको छ।
नेपालका लागि भारतीय राजदूत नवीन श्रीवास्तवले उद्धार कार्यको स्थलगत अवलोकन गर्दै स्याफ्रुबेसी नजिक चिलिमे पुगेका थिए। अवलोकनपछि उनले भारतीय प्राविधिक टोलीले नेपाली सेनासँग सहकार्य गर्दै विशेष उपकरण प्रयोग गरी सुरुङभित्र १०० मिटर क्षेत्रसम्म अन्वेषण गरेको जानकारी दिए।
उद्धार टोलीका अनुसार सुरुङभित्रको अवस्था अत्यन्त जटिल रहेको छ। दलदलजस्तो जमिन, हिलोयुक्त सतह र चुनौतीपूर्ण भौगोलिक संरचनाका कारण काममा कठिनाइ भए पनि उद्धार कार्य निरन्तर अघि बढाइएको छ।
राजदूत श्रीवास्तवका अनुसार सुरुङभित्र थप अगाडि बढ्नका लागि भारी उपकरण परिचालन गर्ने तयारी भइरहेको छ। कठिन परिस्थितिका बाबजुद नेपाली सेना र भारतीय प्राविधिक टोली उद्धार अभियानमा निरन्तर खटिइरहेका छन्।
उद्धार कार्यलाई तीव्रता दिन थप स्रोत–साधन जुटाउने प्रयास भइरहेको सम्बन्धित निकायले जनाएको छ।
काठमाडौं । पृथ्वी राजमार्गअन्तर्गत कृष्णभीर खण्ड अवरुद्ध भएपछि नेपाल आयल निगमले त्रिभुवन राजपथ (बाइरोड) को वैकल्पिक मार्ग प्रयोग गरी काठमाडौं...
काठमाडौं : सरकारले भदौ २२ गते रसुवा बाढीमा ज्यान गुमाएकाको सम्मानमा राष्ट्रिय शोक दिवस मनाउने निर्णय गरेको छ । बिहीबार बसेको...
काठमाडौं : भोटेकोशीमा गएको भीषण बाढी तथा प्राकृतिक विपद्को असरबारे छलफल गर्न आज बेलुका भोटेकोशी प्राकृतिक विपद् व्यवस्थापन समन्वय समितिको...
