- अनामनगर काठमाडौँ
- infobikalpa21@gmail.com
काठमाडौं : नेपाली कांग्रेसको १५औं महाधिवेशनअन्तर्गत केन्द्रीय कार्यसमितिको निर्वाचनको पूर्ण कार्यतालिका सार्वजनिक भएको छ । केन्द्रीय निर्वाचन समितिले एक सूचना प्रकाशित गर्दै महाधिवेशन प्रतिनिधि तथा मतदाताहरूका लागि निर्वाचन सम्बन्धी सम्पूर्ण तालिका, मतदान स्थल तथा आचारसंहिता सम्बन्धी जानकारी गराएको हो ।
संयोजक प्रेमबहादुर खड्का, सदस्य सचिव राजु कटुवाल र सदस्य सुजन लोप्चनद्वारा हस्ताक्षरित सूचना अनुसार महाधिवेशनको मुख्य मतदान प्रक्रिया २०८३ असोज २२ गते सम्पन्न हुनेछ ।
निर्वाचनको पूर्ण कार्यतालिका
केन्द्रीय निर्वाचन समितिले सार्वजनिक गरेको तालिका अनुसार मतदाता नामावली प्रकाशनदेखि मतदान र मतगणनासम्मको समय निर्धारण गरिएको छ :
मतदाता नामावली प्रकाशन: २०८३ असोज १९ गते, बेलुका ५:०० बजे
दाबी विरोधको समय: २०८३ असोज १९ गते, बेलुका ५:०० देखि ६:३० बजेसम्म
दाबी विरोधमा जाँचबुझ: २०८३ असोज १९ गते, बेलुका ६:३० देखि ७:३० बजेसम्म
मतदाताको अन्तिम नामावली प्रकाशन: २०८३ असोज १९ गते, बेलुका ८:३० बजे
उम्मेदवारी मनोनयनपत्र दर्ता: २०८३ असोज २० गते, बिहान १०:०० देखि दिउँसो ३:०० बजेसम्म
उम्मेदवारहरूको प्रथम नामावली प्रकाशन: २०८३ असोज २० गते, दिउँसो ४:३० बजे
उम्मेदवारको दरखास्तमा दाबी विरोध: २०८३ असोज २० गते, दिउँसो ४:३० देखि ५:३० बजेसम्म
दाबी विरोधमा जाँचबुझ: २०८३ असोज २० गते, बेलुका ५:३० देखि ६:३0 बजेसम्म
उम्मेदवारको दोस्रो नामावली प्रकाशन: २०८३ असोज २० गते, बेलुका ७:०० बजे
उम्मेदवारी फिर्ता तथा निवेदन पेश: २०८३ असोज २१ गते, बिहान ९:०० बजेसम्म
उम्मेदवारको अन्तिम नामावली प्रकाशन: २०८३ असोज २१ गते, बिहान १०:०० बजे
प्रचारप्रसारको समय: २०८३ असोज २१ गते, दिनभरि
मतदान: २०८३ असोज २२ गते, बिहान ७:३० बजेदेखि बेलुका ५:०० बजेसम्म
मतगणना र नतिजा: मतदान समाप्त भए लगत्तै मतगणना शुरू हुने र मतगणना सकिए लगत्तै निर्वाचन परिणाम घोषणा गरिनेछ ।
नेपाली कांग्रेसले मतदान प्रक्रियालाई सहज बनाउन तीन वटा मतदान केन्द्रको व्यवस्था गरेको छ ।
१. मतदान केन्द्र ‘क’ (राष्ट्रिय सभा गृह, प्रदर्शनी मार्ग): बागमती प्रदेशका मतदाताहरूका लागि ।
२. मतदान केन्द्र ‘ख’ (खुलामञ्च): कोशी प्रदेश, मधेश प्रदेश, कर्णाली प्रदेश, सुदूरपश्चिम प्रदेशका साथै भ्रातृ एवं शुभेच्छुक संस्था र नेपाली जनसम्पर्क समितिका मतदाताहरूका लागि ।
३. मतदान केन्द्र ‘ग’ (प्रज्ञा भवन, कमलादी): गण्डकी प्रदेश र लुम्बिनी प्रदेशका मतदाताहरूका लागि ।
मनोनयन दस्तुर र बैंक विवरण
विभिन्न पदका लागि उम्मेदवारी दर्ता गर्दा तोकिएको दस्तुर बुझाउनुपर्नेछ :
केन्द्रीय सभापति: रु. ४० हजार
केन्द्रीय उपसभापति र महामन्त्री: रु. ३० हजार
केन्द्रीय सहमहामन्त्री: रु. २० हजार
केन्द्रीय सदस्य: रु. ११ हजार
मनोनयन दस्तुर प्रभु बैंकमा रहेको नेपाली कांग्रेस केन्द्रीय निर्वाचन समितिको खाता नम्बर११३००७२६४३६०००२९ मा जम्मा गरी सोको भौचर वा क्युआर मार्फत बुझाएको प्रमाण संलग्न गर्नुपर्नेछ ।
प्रस्तावक, समर्थक र आवश्यक कागजातहरू
उम्मेदवारी दर्ताका लागि पद अनुसार प्रस्तावक र समर्थकको संख्या अनिवार्य गरिएको छ :
सभापति पदका लागि: १० जना प्रस्तावक र १० जना समर्थक ।
उपसभापति र महामन्त्री पदका लागि: ७ जना प्रस्तावक र ७ जना समर्थक ।
सहमहामन्त्री पदका लागि: ५ जना प्रस्तावक र ५ जना समर्थक ।
केन्द्रीय सदस्य पदका लागि: ३ जना प्रस्तावक र ३ जना समर्थक ।
एउटा पदमा उम्मेदवार बनेको व्यक्ति सोही पदको अर्को उम्मेदवारको प्रस्तावक वा समर्थक बन्न नपाउने व्यवस्था गरिएको छ । मनोनयन दर्ता गर्दा निरन्तर क्रियाशील सदस्य रहेको सिफारिस, महाधिवेशन प्रतिनिधि निर्वाचित प्रमाणपत्र, तोकिएको फोटोसहितको परिचयपत्र तथा बैंक भौचर अनिवार्य बुझाउनुपर्नेछ । वारेश वा विदेशस्थित जनसम्पर्क समितिबाट दर्ता गर्दा नेपाली नागरिकताको प्रतिलिपि अनिवार्य गरिएको छ ।
निर्वाचन समितिले निर्वाचन अवधिभर टोपी, क्याप, भेस्ट, टी-सर्ट, ज्याकेट, गम्छा, ब्याज, मास्क वा लकेट जस्ता सामाग्रीको प्रयोग गरी प्रचारप्रसार गर्न पूर्ण प्रतिबन्ध लगाएको छ । उम्मेदवारले केवल आफ्नो परिचय र उम्मेदवारी सम्बन्धी सामान्य पर्चा वा पम्प्लेट मात्र वितरण गर्न पाउनेछन् । मतदान स्थल आसपास फ्लेक्स प्रिन्ट राख्न निषेध गरिएको छ भने १५औँ महाधिवेशन निर्वाचन निर्देशिका २०८३ को धारा १७ अनुसारको आचारसंहिता पालना गर्नु अनिवार्य हुनेछ ।
तुलसीपुर (दाङ) : दाङको तुलसीपुर उपमहानगरपालिका–१८ स्थित रानी सामुदायिक वन क्षेत्रमा निर्मित कृत्रिम ड्याम निर्माण भएपछि स्थानीय किसानहरूका लागि सिंचाइ सुविधामासहजता...
काठमाडौं : बडादसैंको टीकाको तेस्रो दिन आज पनि मान्यजनबाट टीका, जमरा र आशीर्वाद ग्रहण गर्ने क्रम जारी रहेको छ। विजयादशमीका...
काठमाडौं : चीनको तिब्बतस्थित पहाडी क्षेत्रमा ७ म्याग्निच्युडको शक्तिशाली भूकम्प जाँदा १६ जनाको मृत्यु भएको छ भने ३२ जना घाइते...
