- अनामनगर काठमाडौँ
- infobikalpa21@gmail.com
काठमाडौँ — नेपालीहरूको महान् सांस्कृतिक चाड बडादसैँ आजदेखि औपचारिक रूपमा सुरु भएको छ। आश्विन शुक्ल प्रतिपदाका दिन आज देशभरका घरघर र शक्तिपीठहरूमा श्रद्धा, भक्ति र हर्षोल्लासका साथ घटस्थापना मनाइँदैछ। घटस्थापना गरेसँगै दसैँको विशेष अनुष्ठान मानिने नवरात्रको पनि विधिवत् आरम्भ भएको छ।
आजको दिन बिहानै भक्तजनहरूले नजिकैको नदी, खोला वा पवित्र जलाशयबाट जल ल्याई आफ्नो पूजाकोठा वा दसैँ घरलाई सफा सुग्घर गर्दछन्। गोबरले लिपपोत गरिएको शुद्ध स्थानमा बालुवा वा माटोको वेदी (चौको) बनाएर त्यसमा जौ, मकै वा गहुँका दानाहरू छरी जमरा राख्ने प्रचलन छ। सुख, समृद्धि, ऐश्वर्य र आरोग्यको प्रतीकका रूपमा कलश (घट) स्थापना गरी त्यसको माथि दियो बालेर दुर्गा भवानीको आवाहन गरिन्छ।
नवरात्रभरि (नौ दिनसम्म) दुर्गा सप्तशती (चण्डी), देवी भागवत र अन्य धार्मिक ग्रन्थहरूको पाठ गरिन्छ। आज स्थापना गरिएको जमरालाई विजयादशमीका दिन मान्यजनको हातबाट टीका ग्रहण गर्दा समृद्धिको आशिषसहित शिरमा सिउरिने गरिन्छ। काठमाडौँको हनुमानढोकास्थित दसैँघर, गुह्येश्वरी, भद्रकाली, शोभाभगवतीका साथै देशभरका विभिन्न प्रसिद्ध शक्तिपीठहरूमा बिहानैदेखि पूजाआराधना गर्ने भक्तजनहरूको ठुलो घुइँचो लागेको छ।
काठमाडौं : काठमाडौंको बुढानीलकण्ठ नगरपालिका–१० कपनस्थित बाल उद्धार माध्यमिक विद्यालयका प्रधानाध्यापकमाथि कुटपिट गरेको आरोपमा प्रहरीले दुई जनालाई पक्राउ गरेको छ...
काठमाडौं : सुदूरपश्चिम प्रदेश सरकारले चालु आर्थिक वर्ष २०८३/८४ को बजेट प्रस्तुत गरेको छ । अघिल्लो सरकारले गत असार १ गते...
नुवाकोट : भोटेकोशी बाढीपछि आज सडक सञ्जालमार्फत रसुवा जिल्लासँग सम्पर्क स्थापित भएको छ । नेपाली सेनाले बेत्रावतीमा निर्माण गरेको बेलिब्रिज सञ्चालनमा...
