लिग-२ क्रिकेट: रोहित पौडेलको सानदार शतकसँगै नेपालको विजयी सुरुआत, क्यानडा २४ रनले पराजित

नयाँ विकल्प
प्रकाशित मिती: २०८३ आश्विन २५, १९: ५१

BANGI, MALAYSIA – AUG 31: Pictures from the match between Bahrain and Nepal held at the YSD UKM Oval on August 31, 2026 in Bangi, Selangor, Malaysia. (Photo by Peter Lim/PhotoDesk.com.my) for Asian Cricket Council

काठमाडौँ — ओमानमा भइरहेको आइसिसी विश्वकप लिग-२ को त्रिकोणात्मक सिरिजमा नेपालले क्यानडामाथि २४ रनको रोमाञ्चक जित हात पारेको छ । पूर्वकप्तान रोहित पौडेलको शतकीय र गुलशन झाको महत्त्वपूर्ण इनिङ्सको मद्दतले नेपालले सिरिजमा विजयी सुरुआत गरेको हो ।

टस हारेर पहिले ब्याटिङको निम्तो पाएको नेपालले निर्धारित ५० ओभरमा सबै विकेट गुमाउँदै २३५ रनको चुनौतीपूर्ण योगफल तयार पारेको थियो । नेपालका लागि कप्तान रोहित पौडेलले १२५ बलमा ८ चौका र १ छक्काको मद्दतले १०१ रन बनाए ।रोहितको ओडीआई करियरमा यो तेस्रो शतक हो । यसअघि उनले सन् २०२२ मा पिएनजीविरुद्ध १२६ र २०२५ मा युएईविरुद्ध १०९ रनको शतकीय इनिङ खेलेका थिए। त्यस्तै, गुलशन झाले ४८ रन, बसिर अहमदले ३० रन र अर्जुन कुमालले २३ रन जोडे क्यानडाका बलर अखिल कुमारले ४ तथा सुख्जिन्द सिंहले ३ विकेट लिए ।

२३६ रनको लक्ष्य पछ्याएको क्यानडा नेपाली बलरहरूको कसिलो बलिङका कारण ४८.४ ओभरमा २११ रनमै समेटियो । क्यानडाका लागि एरोन जोनसनले सर्वाधिक ४४ रन, समित पटेलले ३५ रन र अखिल कुमारले अविजित ३० रन बनाए पनि टोलीलाई जित दिलाउन सकेनन् । क्यानडालाई सस्तैमा समेट्न नेपालका बलरहरू नन्दन यादव, करण केसी, सन्दीप लामिछाने र ललित राजवंशीले समान २–२ विकेट लिए ।

नेपालले अब सिरिजको आफ्नो दोस्रो खेलमा आगामी मङ्गलवार घरेलु टोली ओमानको सामना गर्नेछ ।