सन्दर्भः ५ औं आयुर्वेद तथा धनवन्तरी जयन्ति

भारतीय दूतावासद्वारा निवन्ध प्रतियोगीताका विजेताको घोषणा

नयाँ विकल्प,

काठमाडौं – ५औं आयुर्वेद दिवस तथा धनवन्तरी जयन्तिको अवसरमा भारतीय दूतावासद्वारा शुक्रबार आयोजना गरिएको एक वेबिनारमा अन्तराष्ट्रिय निबन्ध प्रतियोगिताका विजेताको नाम घोषणा गरिएको छ ।

भारतीय दूतवास, आयुर्वेद क्याम्पस, ईन्स्टिच्युट अफ मेडिसिन, त्रिभुवन विश्वविद्यालयको सहयोगमा ‘ कोभिड १९ को लागि आयुर्वेद’ शिर्षकमा आयोजित अन्तर्राष्ट्रिय निबन्ध प्रतियोगितामा भारत, नेपाल र अन्य देशहरूबाट गरी करिब दुई सय जनाको सहभागीता थियो ।

प्यानलिस्टहरुमा भारत र नेपालका ६ प्रख्यात वक्ता र आयुर्वेद अभ्यासकहरु थिए जसले आफ्नो विचारहरु र विशेषज्ञताको विषयमा चर्चा गरेका थिए ।

वेबिनारमा नेपालका लागि भारतीय राजदूत विनय मोहन क्वात्राले आयुर्वेदका फाइदाहरू र बढ्दो लोकप्रियता बारे प्रकाश पार्ने एक भिडियो सन्देश दिएका थिगए ।

भारतीय दूतावासकी मिशन उपप्रमुख नामग्या सी खम्पाले भारत र नेपालको घर –घरमा पाइने बेसार लगायत आयुर्वेदिक उत्पादनको बढ्दो खपतको बारेमा चर्चा गरेकी थिइन । कार्यक्रममा त्रिभुवन विश्वविद्यालयका रेक्टर प्रोफेसर डा. शिवलाल भुसाल र विश्वविद्यालयका अन्य प्रमुख शिक्षाविद्हरू उपस्थित थिए ।

विश्वव्यापी रुपमा फैलिएको कोरोनाका कारण यसको रोकथाम, बचावट र सतर्कता सम्वन्धमा प्रतियोगीहरुले निवन्ध प्रस्तुत गरेका थिए ।