अदालतको फैसलाले शक्ति सन्तुलनका पिल्लरलाई एकदमै हल्लाइदियोः एमाले प्रवक्ता ज्ञवाली – Naya Bikalpa
November 16, 2026, Monday      Epaper

अदालतको फैसलाले शक्ति सन्तुलनका पिल्लरलाई एकदमै हल्लाइदियोः एमाले प्रवक्ता ज्ञवाली


नयाँ विकल्प,

काठमाडौं – नेकपा एमालेका प्रवक्ता प्रदिपकुमार ज्ञवालीले सर्वोच्च अदालतको फैसलाले संसदीय प्रणालीका आधारभूत संरचनालाई खलबल्याउनुका साथै निर्दलीय व्यवस्था फेरि जस्केलाबाट प्रवेश गराउन खोजे बताएका छन् ।

सोमबार प्रधानमन्त्री निवास बालुवाटारमा बसेको एमालेको स्थायी कमिटी बैठकपछि पत्रकारहरुलाई प्रतिक्रिया दिँदै प्रवक्ता ज्ञवालीले अदालतको फैसलाले लोकतान्त्रिक प्रणाली र ३२ वर्षअघि नै समाप्त पारेको निर्दलीय व्यवस्था फेरि ल्याउन खोजेको बताएका हुन् ।

‘सर्वोच्च अदालतको आजको फैसला र विशेष गरेर धारा ७६ को (५) को जुन ढंगले व्याख्या गरेको छ,’ उनले भने, ‘मैले दु:खका साथ भन्नुपर्छ ३२ वर्ष अगाडि हामीले समाप्त गरेको निर्दलीय प्रणाली जस्केलाबाट छिर्न थालेको आभास हामीलाई भएको छ।’

अदालतको फैसलाबारे पार्टीको औपचारिक दृष्टिकोण मंगलबारको स्थायी कमिटी बैठकले तय गर्ने प्रवक्ता ज्ञवालीले बताए ।

सर्वोच्च अदालतको फैसला जतिसुकै अप्रिय , त्रुटीपूर्ण भएपनि विधिको शासन पालना गर्ने पार्टी हुनुको नाताले फैसलाको कार्यान्वयन पार्टी गर्ने उनले बताए ।

‘राज्यका तीनवटा अंगहरु विधायिका, कार्यपालिका, न्यायपालिकाबीचको सन्तुलन र समन्वयले मात्रै लोकतान्त्रिक प्रणाली दिगो र टिकाउ हुन सक्छ,’ ज्ञवालीले भने, ‘आजको फैसलाले यो भने शक्ति सन्तुलनका पिल्लरहरुलाई एकदमै हल्लाइदिने काम गर्यो ।’

सम्बन्धित समाचार

समावेशिता र संघीयताले प्रजातन्त्रलाई बलियो बनाएको छ : गगन थापा
समावेशिता र संघीयताले प्रजातन्त्रलाई बलियो बनाएको छ : गगन थापा
  • २०७८ असार २८, २१: २०

वीरगञ्ज । नेपाली कांग्रेसका सभापति गगनकुमार थापाले मुलुक समावेशिता र संघीयताको अभ्यासमा गएपछि प्रजातन्त्र थप बलियो बनेको बताएका छन् ।...

बझाङमा अटो दुर्घटना : मृत्यु हुनेको संख्या चार पुग्यो
बझाङमा अटो दुर्घटना : मृत्यु हुनेको संख्या चार पुग्यो
  • २०७८ असार २८, २१: २०

बझाङ । बुङ्गल नगरपालिका–१० टुमेडामा अटो दुर्घटना हुँदा मृत्यु हुनेको संख्या चार पुगेको छ । सोमबार बिहान टुमेडाबाट वडा नं....

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०७८ असार २८, २१: २०

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...