- अनामनगर काठमाडौँ
- infobikalpa21@gmail.com
येंँ : स्वास्थ्य व जनसङ्ख्या मन्त्रालयं मचा ल्यासेतय्त बिइगु मचाछेँया म्हुतुया क्यान्सर विरुद्धया ‘ह्युमन पापिलोमा भाइरस’ (एचपिभी) खोप न्हय्गु हे प्रदेशय् छ्वयेधुंकूगु दु ।
‘भ्याक्सिन व खोपया निंतिं ग्लोबल एलायन्स’ (गाभी)या ग्वाहालिइ खोप नेपालय् हये धुंकाः दक्व प्रदेशय् छ्वःगु स्वास्थ्य सेवा विभागया आपूर्ति व्यवस्थापन महाशाखाया निर्देशक डा पवनजङ्ग रायमाझीं धयादिल । वय्कलं फुक्कं १७ लख ७० द्वः व २० खोप नेपालय् हयेधुंकूगु खँ कनादिल ।
निर्देशक डा रायमाझीया कथं गाभीं मचाल्यासेतय्त मचाछेँया म्हुतुया क्यान्सरं बचे यायेत एचपिभी खोप सित्तिकं ब्यूगु खः । सङ्घीय सरकारं थ्व हे माघ २२ निसें फागुन ६ गतेतक देय्न्यंक तगिं ६ निसें १० तक व विद्यालय पिने च्वंपिं १० निसें १४ दँ दुपिं १६ लख ८८ द्वः ९ सः मचाल्यासेतय्त खोप बिइगु धाःगु दु ।
गुगु प्रदेशय् गुलि खोप
महाशाखाया निर्देशक डा रायमाझीं कोशी प्रदेशय् २ लख ७५ द्वः १ सः व ८०, मधेशय् ३ लख ८० द्वः ४ सः व ६०, बागमती हेटौँडाया निंतिं १ लख २५ द्वः ८ सः, बागमती ख्वपया निंतिं २ लख १८ द्वः २ सः व ८० खोप छ्वयेधुंकूगु धयादिल ।
गण्डकी प्रदेशय् १ लाख ३० द्वः ८ सः व ७०, लुम्बिनीइ २ लख ९८ द्वः ९ सः व १०, कर्णालीइ १ लख २४ द्वः ४ सः व सुदूरपश्चिमय् १ लख ८७ द्वः १ सः व २० खोप छ्वयेधुंकूगु दु । प्रदेशं खोपयात सुरक्षित भण्डारण याइगु व थःथःगु जिल्लाय् छ्वइ धकाः वय्कलं धयादिल ।
उगु खोप छकः जक काःसा गाः धकाः महाशाखाया निर्देशक डा रायमाझीं धयादिल । वय्कःया कथं नेपालय् दँय्दसं मचाछेँया म्हुतुया क्यान्सरं प्यम्ह मिसात सिनाच्वंगु दु ।
मचाछेँया म्हुतुया क्यान्सरया जोखिम अप्वयेकीगु मुख्य हुनि ह्युमन पापिलोमा भाइरसया सङ्क्रमण जुगुलिं उकिया विरुद्ध खोप कायेमाःगु डा रायमाझीं धयादिल । नेपालय् दकसिबे अप्वः मिसातय्त जुइगु क्यान्सरमध्ये मचाछेँया म्हुतुया क्यान्सर न्हापांगु व वयांल्यू दुरुपाया क्यान्सर खः ।
झापाय् ५५ द्वः मचाल्यासेतय्त एचपीभी खोप बिइत्यन
झापाय् ५५ द्वः मचाल्यासेतय्त मचाछेँया म्हुतुया क्यान्सरविरुद्ध ‘ह्युमन पापिलोमा भाइरस’ (एचपिभी) खोप बिइत्यंगु दु ।
जिल्लाया १५ गू स्थानीय तहया विद्यालय दुने व विद्यालय पिने च्वंपिं ५४ द्वः ९ सः व ९९ म्ह मचाल्यासेतय्त एचपिभी खोप बिइगु स्वास्थ्य ज्याकुथि झापाया जनस्वास्थ्य अधिकृत प्रकाश पाठकं धयादिल । विद्यालय दुने च्वंपिं तगिं ६ निसें तगिं १० तकया मचाल्यासेत व विद्यालय पिने च्वंपिं १० निसें १४ दँ दुपिं मचाल्यासेतय्त खोप बिइगु खँ वय्कलं कनादिल ।
जिल्लाया दक्वं पालिकाया स्वास्थ्य शाखा प्रमुख व स्वास्थ्य शाखा प्रमुखतय्त खोपसम्बन्धी आवश्यक तालिम नापं अभिमुखीकरण याकेधुंकूगु जनस्वास्थ्य अधिकृत पाठकं कनादिल । “खोप अभियानया निंतिं तथ्याङ्क सङ्कलन, जनशक्ति व्यवस्थापनलिसेंया ज्या जुयाच्वंगु दु”, वय्कलं धयादिल । झापाय् माघ २२ गतेनिसें २९ गतेतक एचपिभी खोप अभियान न्ह्याकेत्यंगु दु ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
