- अनामनगर काठमाडौँ
- infobikalpa21@gmail.com
दोधारा चाँदनी : हमास व इजरायल दथुइ युद्धविराम जुइधुंकाः हमास पुचःया नियन्त्रणय् लानाच्वंम्ह कञ्चनपुरया विपिन जोशीया छेँजःपिंसं विपिन सकुशल छेँय् लिहाँवइगु भलसा ज्वनाः पियाच्वंगु दु ।
हमास–इजरायल युद्धविरामया बुखँ न्यनाः झिंन्याला न्ह्यवनिसें हमास पुचःया नियन्त्रणय् लानाच्वंम्ह विपिनया छेँजःपिनि विपिन लिहाँ वइगु आशा म्वाना वःगु खः । युद्धविराम लिपाया न्हापांगु धलखय् विपिनया नां दुथ्यानाच्वंगु मदुसां निक्वःगु झ्वलय् विपिन लिहाँ वइगु भलसाय् छेँजःपिंसं दु ।
खिउँख्वालं विपिनया मां पद्मां धयादिल, “युद्धविराम जुइधुंका विपिन न्हापांगु झ्वलय् हे लिहाँवइ धैगू भलसा कयाच्वनाःगु दु । जिमि काय् झिंन्याला न्ह्यवनिसें कुंकाः च्वःगु दु ।” वय्कलं थ्वसिबें न्ह्यवया युद्धविराम जुबले हे काय् त्वःताहइगु भलसाय् दूगु जुसां त्वःतामहःगु धयादिसें थुगु खुसिइ छेँय् लिहाँवइ धैगू आशा प्वंकादिल ।
“युद्धविराम जुइ अले हानं ल्वापु जुइ, अझं नं नुगलय् दुने व हे ग्याःचिकु दनि, गनं हाकनं ल्वापु जुइगु ला मखुला ?”, मां पदमां धयादिल, “गथेयाना ज्यू थ्वपालेया युद्धविरामय् जि काय् छुं मजुइक त्वःतिका हयाब्यू, सरकारनापं थ्व हे इनाप दु,” सुदूरपश्चिम विश्वविद्यालयया कृषि सङ्कायलय् ब्वनाच्वंम्ह ४९ म्ह ब्वनामि ‘लर्न एन्ड अर्न’ ज्याझ्वलय् दुतिना इजरायल वंगु खः । अन थ्यंगु लच्छि हे मजुनिबले इजरायलया दक्षिणी लागाया अलिमुम किबुजय् हमास पुचलं हःताः याःगु खः । हःतालय् १० म्ह ब्वनामि सीगु खःसा विपिन जोशीयात हमास पुचलं थःगु नियन्त्रणय् काःगु खः । अबलेनिसें विपिनया अवस्था अज्ञात तिनि ।
इजरायल सरकारपाखें हमासं युद्धविरामया न्हापांगु झ्वलय् त्वःतुपिं ३३ म्ह बन्धकपिनिगु नां धलः पितब्यूगु दु । उगु धलखय् विपिनया नां दुथ्यानाच्वंगु मदु ।
विपिनया निंतिं सरकार गम्भीर जुयाः न्ह्यानाच्वनाःगु दु धका गृहमन्त्री रमेश लेखकं धयादिल । “सरकारयात वःगु सुचं कथं विपिन आःतक नं हमासया नियन्त्रणय् हे दनि, विपिनयात त्वःतिकेया निंतिं सरकार गम्भीर जुया न्ह्यज्यानाच्वंगु दु”, गृहमन्त्री लेखकं धयादिल, “हमास–इजरायल युद्धविराम जूगु दु, जिपिं विपिन सकुशल रिहाइ जुइ धैगू भलसाय् च्वनाच्वनाःगु दु ।” वय्कलं विपिनयात त्वःतिकेया निंतिं सरकारपाखें कूटनीतिक पलाः न्ह्याकाच्वनागु दु धकाः नं धयादिल ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
