- अनामनगर काठमाडौँ
- infobikalpa21@gmail.com
येँ : उद्योग, वाणिज्य नापं आपूर्तिमन्त्री दामोदर भण्डारीलिसे नेपालया निंतिं जापानया राजदूत मायदा तोरूं नाप लानादीगु दु ।
सिंहदरबारय् मन्त्रालय दुने थौं नापलानाः मन्त्री भण्डारीं नवनियुक्त राजदूतकथं तोरुयात लसकुस यानादिसें नेपालं न्ह्याबलें जापानलिसेया थवंथः हितया सम्बन्ध व ग्वाहालियात उच्च महत्त्व बियावयाच्वंगु धयादिल ।
“भुखाय्लिसें प्राकृतिक विपत्तिइ जापानी जनता, सरकार, गैरसरकारी संस्था, विश्वविद्यालयपाखें बियावयाच्वंगु ग्वाहालिया निंतिं जिपिं आभारी जुयाच्वनागु दु, नेपाःया सामाजिक नापं आर्थिक विकासया निंतिं जापान ताःईनिसें छगू महत्वपूर्ण व भलसा यायेबहःगु विकास साझेदारकथं दु”, मन्त्री भण्डारीं धयादिल, “जिपिं औद्योगिक विकास, निर्यात प्रतिस्पर्धी क्षमता विकास, कृषि, जलविद्युत्, पूर्वाधार विकासलिसें यक्व ख्यलय् जापानया अनुभव, ज्ञान, सीप व प्रविधिं लाभान्वित जुइके मास्तिवः ।”
वय्कलं मानव संसाधन विकासय् जापानं सन् २०१६ निसें जापान विकास छात्रवृत्ति (जेडिएस) योजनाअन्तर्गत थी थी ख्यःया नेपाःया सरकारी अधिकारीतय्त वार्षिक छात्रवृत्ति बियावयाच्वंगुलिं जापान सरकारयात सुभाय् बियादिल । वय्कलं धयादिल, “नागढुङ्गा सुरुङमार्गया सुरुवातलिसें सतक पूर्वाधारया विकासय् सुरुङ प्रविधिया सुरुवात यायेगु नेपाःया प्रमुख ज्याझ्वलय् जापान लिक्कया विकास साझेदार जुगुलिं लसता प्वंकादिल ।”
जापान नेपाःया छम्ह महत्वपूर्ण बनेज्या साझेदार व नेपाःया वस्तुया महत्वपूर्ण गन्तव्य जुयावयाच्वंगु न्ह्यथनादिसें वय्कलं जापानं तसकं म्ह्वः विकसित देय्तय्त बियाच्वंगु सामान्य ग्राह्यता प्रणालीया सुविधां नेपाः नं लाभान्वित जुयाच्वंगु धयादिल ।
“नेपालय् वैदेशिक लगानी यानावयाच्वंगु देय्तमध्ये जापान नं छगू लाः, नेपालय् सुचं प्रविधि, जलविद्युत्, पर्यटन, कृषिइ आधारित उद्योगथेंजाःगु ख्यलय् लगानीया माक्व ह्वःताः नापं सम्भावना दु, नेपाल सरकारं लगानीमैत्री नापं व्यावसायिक वातावरण प्रवद्र्धन यायेत नीतिगत व कानुनी सुधारयात मद्दिक न्ह्याकाच्वंगु विषयलिसें जि महामहिमं फुक्क जापानी लगानीकर्तातय्त थ्व सुचं बियाच्वना”, मन्त्री भण्डारीं धयादिल ।
जापानीतय्गु निंतिं नेपाल महत्वपूर्ण गन्तव्य जुयाच्वंगु व नेपालय् जापानी पर्यटकतय्गु बिस्कं हे प्रतिष्ठा दूगु न्ह्यथनादिसें वय्कलं जापानी नागरिकतय्त नेपाल भ्रमणया निंतिं अझ प्रोत्साहित यायेत इनाप यानादिल ।
राजदूत तोरुं नेपाः व जापानदथुइ वइगु सन् २०२६ य् कुटनैतिक सम्बन्धया ७० दँ पूवनीगु न्ह्यथनादिसें भविष्यय् निगू देय्दथुइया सम्बन्ध झन प्रगाढ जुयावनीगु धयादिल । प्राकृतिक प्रकोप नापं विपदय् निगू देय् दथुइ थवंथः ग्वाहालि कालबिल जूगु लुमंकादिसें वय्कलं वइगु इलय् नं जलवायु ह्यूपाः नापं विपद्जन्य अवस्थाय् मंकाःज्या यायेगु प्रतिबद्धता यानादिल ।
तोरुं नेपाली जनतातय्गु मौलिकता कथं जापान सरकारं नेपालय् उद्योग स्थापना यायेत ग्वाहालि याये धकाः धयादिल । नापं वय्कलं नेपाःया वस्तुत जापानी बजारय् तसकं माग दूगु न्ह्यथनादिसें नेपाःया उत्पादनया गुणस्तर व लिच्वलय् ध्यान ब्यूसा बजाः चकंकेत छुं समस्या मजुइगु धयादिल । वय्कलं नेपाःया वस्तुत जापान निर्यातय् जापान सरकारं आवश्यक ग्वाहालि याइ धइगु प्रतिबद्धता बियादिल ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
