- अनामनगर काठमाडौँ
- infobikalpa21@gmail.com
येँ : परराष्ट्रमन्त्री डा आरजु राणा देउवां कतारया विदेशमन्त्री सुल्तान बिन साद बिन सुल्तान अल मुराइखीनाप थौं ओमनया राजधानी मस्कटय् नापलानादीगु दु ।
च्याक्वःगु हिन्द महासागरीय सम्मलेनय् ब्वति कायेगु झ्वलय् ओमनया मस्कटय् थ्यंकझापिं वय्कःपिं दथुइ थौं साइडलाइन नापलाये ज्या जूगु खः । नापलायेगु झ्वलय् वय्कःपिं दथुइ नेपाः व कतार दथुया स्वापू, हित व पारस्परिक लाभया थी थी विषयया नापनापं कतारय् नेपाःया ब्वनामितय्त छात्रवृत्ति लिसें दक्ष प्राविधिक जनशक्तिया विषयय् खँल्हाबल्हा जूगु खः ।
खँल्हाबल्हाया झ्वलय् मन्त्री डा देउवां हमास पुचःया नियन्त्रणय् लानाच्वंम्ह नेपाःमि विपिन जोशीयात त्वतिकेया निंतिं ग्वाहालि यानादीत मन्त्री मुराइखीयात इनाप यानादिल । मन्त्री डा देउवां इजरायल व हमास पुचःया दथुइ मध्यस्थता यानाः युद्धविराम व शान्ति वार्ताया निंतिं कतार सरकारं म्हितूगु भूमिकायात च्वछानादिसें हमासया नियन्त्रणय् लानाच्वंम्ह विपिनयात त्वतकेत विशेष पलाः न्ह्याकादिइत इनाप यानादीगु खः ।
छुं ई न्ह्यव नं मन्त्री डा देउवां कतारया विदेश राज्यमन्त्री डा मोहम्मद बिन अब्दुलाजिज अल–खुलाइफीनाप फोनय् खँल्हानाः व हे इनाप यानादीगु खः । खुलाइफी इजरायल सरकार व हमास दथुइया शान्तिवार्ताया मू वार्ताकार लिसें मध्यस्थकर्ता जुयादी ।
विपिनयात त्वतिकेया निंतिं नेपाः सरकारं थगुनेनिसें हे कूटनीतिक कुतः यानावयाच्वंगु दु । मन्त्री डा देउवां संयुक्त राष्ट्रसंघ, अन्तर्राष्ट्रिय लिसें क्षेत्रीय मञ्चय् व मुँज्याय् विपिनयात त्वतिकेया निंतिं इनाप यानावयाच्वनादीगु दु । सन् २०२३ या अक्टोबरय् इजरायली भूमिइ हयेकाःगु हमास पुचलं विपिनयात अपहरण यानायंकूगु खः ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
