- अनामनगर काठमाडौँ
- infobikalpa21@gmail.com
येँ : प्रधानमन्त्री केपी शर्मा ओलीं थः थ्वसिबें न्ह्यव प्रधानमन्त्री जुयाः बलय् न्ह्याकूगु स्थानीय तहया अस्पताल निर्माणलिसें पूर्वाधार विकासया ज्याय् सरकारं प्राथमिकता ब्यूगु धयादीगु दु ।
प्रतिनिधिसभाया थौंया बैठकय् सांसद्पिंसं न्यंगू न्ह्यसःया लिसः बिइगु झ्वलय् प्रधानमन्त्री ओलीं थःगु न्हापाया कार्यकालय् निर्वाचन क्षेत्र रणनीतिक सतक व फुक्कं पालिकाय् आधारभूत अस्पताल माःगु वाःचायेकाः उकिया निर्माण न्ह्याकाःगु लुमंकादिसें थः लिपाया सरकारं उगु ज्यात रद्द याःगुलिं निर्माण द्युगु धयादिल ।
“फुक्कं सतक व अस्पतालत दयेकेत यक्वः बजेत माः । उपिंमध्ये अस्पतालत छुं ल्याखं दयेके नं धुनाःगु दु । दुगु स्रोत व साधनयात ध्यानय् तयाः ल्यंगु सतक व अस्पतालयात प्राथमिकता बियाः दयेकेगु ज्या जुयाच्वंगु दु”, प्रधानमन्त्री ओलीं धयादिल, “सरकारं स्वास्थ्य ख्यःयात उच्च प्राथमिकता ब्यूगु दु । अस्पतालया पूर्वाधार निर्माण व जनशक्ति व्यवस्थापनया निंतिं दुगु स्रोत व साधनयात प्राथमिकता बियाः विनियोजन यानाच्वनाःगु व लिपालिपा नं प्राथमिकता बियाः विनियोजन यायेगु बच) वय्कलं बियादिल ।
अथे हे प्रधानमन्त्री ओलीं सरकारं खास यानाः सतक पूर्वाधार विकासयात महत्व बियाः व हे कथं बजेट फ्यायेगु व सिद्धबाबा सुरुङमार्ग दयेके ज्यायात गति बिइगु धयादिल ।
अथे हे, नागढुङ्गा सुरुङमार्गय् आःतक ८५ प्रतिशत प्रगतिनापं माःगु पन लाइटिङ व भेन्टिलेसनया ज्या जुयाच्वंगुलिं निर्माण क्वचाइगु लँपुइ दू धयादिल ।
प्रधानमन्त्री ओलीं जाजरकोट भुखाचं प्रभावित जिल्लाय् आःतक स्वंगू अर्ब ९५ क्वःति ६५ लख द्यबाः निकास जुइधुंकूगु व जाजरकोट जिल्लाय् जिल्ला विपद् व्यवस्थापन समितिपाखें सिफारिस रितपूर्वक वःगु फुक्क भुखाचं प्रभावित परिवारया निंतिं न्हापांगु व निक्वःगु किस्ताया द्यबाः छ्वयेधुंकूगु धकाः सदनयात कनादिल ।
जाजरकोट भुखाय्या विस्तृत क्षति तिफ्यायेत इन्जिनियरपिनिगु न्हापांगु पुचः थ्व हे वाःनिसें फिल्डय् वनीगु धयादिसें प्रधानमन्त्री ओलीं मनसुनया हुनिं जुइगु विपद् व भुखाचं प्रभावितपिनिगु समस्या समाधानया निंतिं विपद् व्यवस्थापन राष्ट्रिय परिषद्या मुँज्यां छगू खर्ब छगू अर्ब द्यबाःया पुनःनिर्माण लिसें पुनःस्थापना योजना स्वीकृत यानाः निजी आवास व भौतिक पूर्वाधार पुनःनिर्माणया निंतिं स्पष्ट मार्गचित्र तयार याःगु खँ न्ह्यथनादिल ।
प्रधानमन्त्री ओलीं सरकारं सहकारी ख्यलय् खनेदयाच्वंगु समस्या समाधानया निंतिं नीतिगत, संस्थागत व व्यवस्थापकीय सुधारया ज्या यानाच्वंगु दु धयादिल ।
तु व दुरुइ किसानतय्सं थःगु उत्पादनया बांलाःगु मू काये मखंनाच्वंगु व दुरु किसानया ल्यं दनिगु द्यबाःया बारे सरकारया ध्यानाकर्षण जूगु प्रधानमन्त्री ओलीं धयादिल ।
“जनतायात महंगीया लिच्वःपाखें मुक्त यायेत नखःचखःया इलय् नियमित व अपू कथं बजाः अनुगमन यायेगु ज्या जुयाच्वंगु दु । खाद्य व्यवस्थापन व व्यापार कम्पनी लिमिटेड व साल्ट ट्रेडिङ लिमिटेड थें जाःगु सार्वजनिक संस्थानपाखें देय्या थी थी थासय् नखःचखःयात ताः तयाः सुपथ मूया पसः न्ह्याका वयाच्वंगु प्रधानमन्त्री ओलीं धयादीगु दु,” प्रधानमन्त्री ओलीं धयादिल, “कानून विपरीतया ज्या सुनां नं यात धाःसा प्रचलित कानून कथं कारवाही यायेत सरकार प्रतिबद्ध दु ।”
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
