नेपालले झिनो गोल अन्तरले किर्गिस्तानलाई हरायो – Naya Bikalpa
November 16, 2026, Monday      Epaper

नेपालले झिनो गोल अन्तरले किर्गिस्तानलाई हरायो

काठमाडौं । अन्तर्राष्ट्रिय महिला च्याम्पियनसिप अन्तर्गत नेपालले आफ्नो पहिलो खेलमा तुलनात्मक रूपमा कमजोर मानिएको किर्गिस्तानविरूद्ध १-० गोलको जित निकालेको छ।
दशरथ रंगशालामा सोमबार भएको खेलको पहिलो हाफमा गरेको गोलको मद्दतमा नेपालले जित निकालेको हो।
खेलको दसौं मिनेटमा विमला चौधरीले गोल गर्दै नेपाललाई अग्रता दिलाइन्। उनले सविता राना मगरको पासमा डिबक्स भित्रबाट गोल गरेकी थिइन्।
त्यसपछि नेपालले अग्रता दोब्बर गर्न पाएको अवसर सदुपयोग गर्न सकेन। नेपालका लागि पहिलो हाफमा रेखा पौडेल र रश्मीकुमारी घिसिङले पाएका अवसर सदुपयोग गर्न सकेनन्।
पहिलो हाफको इन्जुरी समयमा नेपाल अभागी सावित भयो। सुरूमा रश्मीको प्रहार बारमा लागेर फर्कियो। त्यसपछि सिक्स यार्ड बक्समा अनमार्क रहेकी सविताले रिबाउन्डमा गरेको प्रहार पनि बारमै लागेर फर्कियो। त्यसपछि फेरि रेखाले हानेको प्रहारमा किर्गिस्तानकी गोलकिपर बाधक बनिन्।
खेलमा नेपालकी स्टार फरवार्ड सावित्रा भण्डारी दोस्रो हाफमा मैदान छिरेकी थिइन्। फ्रान्समा व्यावसायिक फुटबल खेल्ने सावित्रा आज बिहान मात्र नेपाल आइपुगेकी थिइन्। साम्बालाई प्रशिक्षक राजेन्द्र तामाङले डिफेन्डर विमला विकको स्थानमा मैदान छिराएका थिए।
दोस्रो हाफमा नेपालले अंग्रपक्तिमा समस्या देखिँदा गोल गर्न सकेन। दोस्रो हाफमा विमला चौधरीले हातले बललाई जाली चुमाएपछि रेफ्रीले पहेँलो कार्ड देखाएकी थिइन्। यस्तै सविता राना मगर डिबक्स भित्र पाएको अवसरमा चुकेकी थिइन्।
किर्गिस्तानले खेलमा नेपालविरूद्ध खासै आक्रमण बुन्न सकेन। दोस्रो हाफमा किर्गिस्तानकी फरवार्डले डिबक्स बाहिर अवसर पाए पनि नेपालकी गोलकिपर तथा कप्तान एन्जिला तुम्बापो सुब्बाले विफल पारिन्।
दोस्रो हाफको इन्जुरी समयमा अनिता बस्नेतले क्रस गरे पनि नेपाली फरवार्ड भेट्टाउन सकेनन्। अनिताको क्रसलाई किर्गिस्तानकी गोलकिपरले पन्च गरेपछि नेपालकी प्रिति राईको प्रहार अकासियो।
नेपालले किर्गिस्तानविरूद्ध ६ वर्षपछि प्रतिस्पर्धा गरेको हो। यसअघि सन् २०१९ मा नाजेदा कपमा ८-२ गोलको जित निकालेको थियो।

सम्बन्धित समाचार

एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती
एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती
  • २०८१ फाल्गुन ६, ०९: ०४

काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत आजको दोस्रो खेलमा पोखरा एभेन्जर्सले काठमाडौं गोर्खाजलाई २२५ रनको...

एनपिएल : कर्णालीले चितवनलाई हरायो
एनपिएल : कर्णालीले चितवनलाई हरायो
  • २०८१ फाल्गुन ६, ०९: ०४

काठमाडौं : नेपाल प्रिमियर लिग (एनपिएल) अन्तर्गत आइतबारको पहिलो खेलमा कर्णाली याक्स विजयी भएको छ । जारी सिजनको आफ्नो अन्तिम...

एनपिएलमा आज लिग चरणका अन्तिम दुई खेल हुँदै
एनपिएलमा आज लिग चरणका अन्तिम दुई खेल हुँदै
  • २०८१ फाल्गुन ६, ०९: ०४

काठमाडौं : नेपाल प्रिमियर लिग (एनपिएल)मा आज लिग चरणका अन्तिम दुई खेल हुँदै छन् । आज कीर्तिपुरस्थित त्रिवि क्रिकेट मैदानमा...