‘छक्का पञ्जा २’ले बिहीबार प्रदर्शनको ५१ दिन मनायो । असोज ११ गते फूलपातीको अवसर पारेर प्रदर्शनमा आएको सिनेमाले कात्तिक ३० गते प्रदर्शनको ५१ दिन पार गरेको हो ।
सिनेमा प्रदर्शन भएको ५१ दिनको अवसरमा काठमाडौंको सिटी सेन्टरमा विशेष कार्यक्रमको आयोजना गर्दै ‘छक्का पञ्जा २’ को टोलीलाई मायाको चिनो बाँडिएको थियो । भने सहयोगी संघ संस्था र हललाई सम्मान पत्र प्रदान गरिएको थियो ।
५१ दिने कार्यक्रममा निर्देशक दीपाश्री निरौला सहित सिनेमाका मुख्य कलाकारहरु दीपकराज गिरी, जितु नेपाल, केदार घिमिरे, वर्षा राउत, स्वस्तीमा खड्का लगायतको उपस्थिति थियो । त्यस्तै हरिवंश आचार्य, भुवन चन्द, बसुन्धरा भुसाल, चैत्यदेवि, गणेश मुनाल, गेहेन्द्र धिमाल लगायतको उपस्थिति पनि कार्यक्रममा थियो ।
चलचित्रका निर्माता तथा कलाकार दीपकराज गिरीले चलचित्रमा केही कमजोरी भएपनि दर्शकले माया गरिदिनु भएको भन्दै खुशी व्यक्त गरे । उनले, आगामी दिनमा अझ उत्कृष्ट चलचित्र बनाउने बाचा समेत गरे । चलचित्रकी निर्देशक दीपाश्री निरौलाले कमीकमजोरी भएपनि सुधार्दै अगाडि बढ्ने बताइन् ।
काठमाडौं । बलिउड फिल्म ‘रामायण’ले प्रदर्शनको आठ दिनमै विश्वभरबाट एक हजार करोड भारतीय रुपैयाँभन्दा बढी कमाइ गरेको छ । नितेश...
काठमाडौं । तीन दिनदेखि काठमाडौंमा जारी ‘काठमाडौं हरर फिल्म फेस्ट’को दोस्रो संस्करण सम्पन्न भएको छ । नेपालसहित विभिन्न देशका हरर...
काठमाडौं । भारतीय अभिनेत्री शबाना आजमीसहित अन्तर्राष्ट्रिय चलचित्र क्षेत्रका चर्चित व्यक्तित्वहरूको सहभागितामा काठमाडौं फिल्म फेस्टिभल आयोजना हुने भएको छ ।...