चन्द्रागिरीद्वारा प्रेसर र सुगरका ६० कटेका नगरवासीलाई नगद अनुदान – Naya Bikalpa
November 16, 2026, Monday      Epaper

चन्द्रागिरीद्वारा प्रेसर र सुगरका ६० कटेका नगरवासीलाई नगद अनुदान

काठमाडौं । काठमाडौं जिल्लाको चन्द्रागिरी नगरपालिकाले ६० वर्ष उमेर पुगेका प्रेसर (उच्चरक्तचाप) र सुगर (मधुमेह)बाट प्रभावित नगरवासीलाई औषधी खर्च बापत मासिक अनुदान दिने भएको छ ।

६० वर्ष माथिका नगरका जेष्ठ नागरिकलाई औषधि खर्च नगद अनुदान कार्यविधि, २०७९ जारी गर्दै नगरकार्यपालिकाले प्रत्येक नगरवासीलाई घर घरमा नगद अनुदान दिने निर्णय भएको नगर प्रमुख घनश्याम गिरीले बताए ।

राष्ट्रिय स्वास्थ्य नीति २०७६ अनुसार स्थानीय तहबाट आवश्यकता अनुसार नीतिगत निर्णय गरि आधारभुत स्वास्थ्य सेवा सुनिश्चत गर्न सक्ने व्यवस्था भए अनुसार चन्द्रागिरि नगरपालिकाले नगद अनुदान लाभग्राहीले प्राप्त गर्ने भएका हुन् ।

नगरपालिकाले सुगर र प्रेसरमध्ये कुनै एक रोग लागेको व्यक्तिका लागि अनुदान रकम प्रतिव्यक्ति प्रतिमहिना चार सय रुपैयाँ प्रदान गरिने जनाएको छ ।

नगरपालिकाले सुगर र प्रेसर दुवै रोगबाट प्रभावित नागरिकलाई भने मासिक आठ सय रुपैयाँ अनुदान दिने र त्यस्तो नगद अनुदान रकम लाभग्राहीको बैंकको खातामा जम्मा गरिने बताइएको छ ।

नगरपालिकाले हालसम्म नगरपालिकामा स्थायी बसोबास गर्ने ६० वर्ष उमेर कटेका सात हजार नगरवासीको पहिचान भएको र नगरले एक करोड ५० लाख रुपैयाँ बरबरको औषधि खरिद गरेको थियो ।

नगरपालिकाले एक करोड ५० लाख मुल्य बराबरको सुगर र प्रेसरको औषधि खरिद गरे पनि चिकित्सकको प्रेसक्रिप्सन (सिफारिस) बमोजिम नगरवासीले सेवन गर्ने औषधी फरक परेपछि नगद नै अनुदान दिने निर्णय भएको नगरप्रमुख गिरीले बताए ।

चिकित्सकको सिफारिस बमोजिम सुगर र प्रेसरको फरक फरक औषधी खाईरहेका नगरका ज्येष्ठ नागरिकलाई औषधि अनुदानस्वरुप वितरण गर्दा दुई करोड ७५ लाख रुपैयाँ लागत देखिएपछि नगद नै अनुदान दिने निर्णय भएको नगरपालिकाले जनाएको छ ।

नगरवासीले नगरपालिकाबाट यस्तो स्वास्थ्य सेवाको अनुदान प्राप्त गर्न नगरपालिका क्षेत्रमा स्थायी बसोबास गरेको वा बसाईं सरेर आएको प्रमाणीत प्रति र त्यस्तो औषधि सेवन गर्न मान्यताप्राप्त चिकित्सकले सिफारिस गरेको प्रमाण पेश गर्नु पर्ने व्यवस्था नगरपालिकाले गरेको छ ।

सम्बन्धित समाचार

हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
  • २०७९ माघ ५, १७: १३

  १.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...

गाईघाटमा तीनदिने निःशुल्क आँखा जाँच तथा मोतियाबिन्दु शल्यक्रिया शिविर सञ्चालन हुने
गाईघाटमा तीनदिने निःशुल्क आँखा जाँच तथा मोतियाबिन्दु शल्यक्रिया शिविर सञ्चालन हुने
  • २०७९ माघ ५, १७: १३

उदयपुर — त्रियुगा नगरपालिकाको आयोजना तथा सगरमाथा चौधरी आँखा अस्पताल लहानको प्राविधिक सहयोगमा तीनदिने बृहत् निःशुल्क आँखा जाँच शिविर सञ्चालन...

उदयपुर जिल्लाको कांग्रेस इतर समूहको सभापतिमा बस्नेत
उदयपुर जिल्लाको कांग्रेस इतर समूहको सभापतिमा बस्नेत
  • २०७९ माघ ५, १७: १३

उदयपुर । उदयपुर जिल्लाको नेपाली कांग्रेस इतर समूहको जिल्ला अधिवेशनबाट बसन्त कुमार बस्नेत जिल्ला सभापतिमा निर्विरोध निर्वाचित भएका छन् ।...