- अनामनगर काठमाडौँ
- infobikalpa21@gmail.com
काठमाडौं : प्रतिनिधिसभा कार्य सञ्चालनका लागि तयार गरिएको नयाँ नियमावलीको मस्यौदा सभामुख डोलप्रसाद अर्याल समक्ष बुझाइएको छ । मंगलबार प्रतिनिधिसभा नियमावली मस्यौदा समितिका सभापति तथा राष्ट्रिय स्वतन्त्र पार्टीका सांसद गणेश पराजुलीले उक्त मस्यौदा सभामुखलाई हस्तान्तरण गरेका हुन् ।
मस्यौदा प्राप्त गरेपछि सभामुख अर्यालले नियमावलीलाई प्रक्रियागत ढंगले अघि बढाएर पारित गरिने स्पष्ट पारे । उनले संविधान, विद्यमान कानुन र स्थापित संसदीय अभ्यासलाई आधार मानेर प्रतिनिधिसभा सञ्चालन गरिने बताए ।
समितिले तयार पारेको मस्यौदामा ३० परिच्छेद, २६३ दफा र ७ अनुसूची समेटिएका छन्। यसलाई अन्तिम रूप दिनुअघि समितिले आन्तरिक छलफल र परामर्शमार्फत सबै विषय टुंग्याएको जनाएको छ ।
यसअघि सिंहदरबारमा बसेको समितिको बैठकले मस्यौदाका सबै बुँदामा सहमति जुटाउँदै प्रतिवेदन तयार गरेको थियो । समितिका सभापति पराजुलीका अनुसार नयाँ नियमावलीमा कार्यपालिका र व्यवस्थापिकाबीच देखिने मतभिन्नता घटाउने तथा सरकारको जवाफदेहितालाई थप प्रभावकारी बनाउने पक्षमा विशेष जोड दिइएको छ ।
अब उक्त मस्यौदा प्रतिनिधिसभामा पेस भई आवश्यक छलफलपछि पारित प्रक्रियामा जानेछ ।
काठमाडौं : सरकारले नेपाल धितोपत्र बोर्डको अध्यक्ष नियुक्तिका लागि सिफारिस समिति गठन गर्ने निर्णय गरेको छ । मंगलबार बसेको मन्त्रिपरिषद् बैठकले...
काठमाडौं : नेकपा एमालेले गृहमन्त्री सुधन गुरुङसँग जोडिएका विषयमा निष्पक्ष र स्वतन्त्र अनुसन्धान अघि बढाउन सरकारसँग माग गरेको छ । पार्टीका...
नेपाली कांग्रेसको १४ औं महाधिवेशनमा देउवाका निकै नजिक निकटतम प्रतिस्पर्धी डा. शेखर कोइरालाको दोधारे चरित्रका कारण पछिल्लो समय नेपाली कांग्रेसभित्रको...
