- अनामनगर काठमाडौँ
- infobikalpa21@gmail.com
काठमाडौं । सरकारले बलाधिकृत रथी पूर्णचन्द्र थापालाई कायममुकायम प्रधानसेनापतिमा बढुवा गरेको छ । बिहीबार साँझ बसेको मन्त्रिपरिषद् बैठकले थापालाई भावी प्रधानसेनापतिका रूपमा कायममुकाम जिम्मेवारी दिने निर्णय गरेको हो ।
प्रधानसेनापति राजेन्द्र क्षत्रीले २५ भदौदेखि पदबाट अनिवार्य अवकाश पाउँदैछन् । एक महिनाअघि विदा बस्ने सेनाको नियमअनुसार बलाधिकृत रथी थापाले २५ साउनदेखि कामु प्रधानसेनापतिको जिम्मेवारी सम्हाल्ने भएका छन् । थापाको म्याद थप भएको अवधि २०७५ असोज १५ सम्म रहेकाले पनि थापा निर्विकल्प भावी प्रधानसेनापति देखिएका हुन् ।
पुष्पकमल दाहाल नेतृत्व सरकारकै पालामा रथी थापाको प्रधानसेनापति बन्ने बाटो खुल्ला भएको थियो । उनको पदावधि ०७४ असोजमा सकिने थियो । तर, उमेर बाँकी रहेकाले दाहाल नेतृत्व सरकारले एकवर्षे पदावधि थप गरेर नै उनलाई भावी प्रधानसेनापतिका लागि अघि बढाएको थियो ।
उनीसँगै बलाधिकृत बलदेव महतको पदावधि थपिए पनि ५८ वर्ष उमेरका कारण उनी सेवानिवृत्त भइसकेका छन् । उमेर नपुगेका रथीको पदावधि थप गर्न सकिने व्यवस्था सैनिक ऐनमा रहेकाले नै यसरी म्याद थप हुने गरेको छ । थापाले सैनिक कल्याणकारी कोषको नेतृत्व सम्हालेपछि नेपालको इतिहासमै पहिलो पटक सैनिक कल्याणकारी कोषको पारदर्शी गर्दै सार्वजनिक गरेका थिए ।
जंगी अड्डाभित्रै तत्कालिन अवस्थामा कतिपय जर्नेलहरुले सेनाभित्रको कोष सार्वजनिक गर्न नहुने दबाब दिंदादिंदै पनि थापाले तत्कालिन सैन्य नेतृत्वलाई विश्वास दिलाएका कारण सेनाभित्र निकै चर्चामा पुगेका थिए । सरल र भद्र स्वभावका थापाले यही साउन २५ गतेदेखि नेपाली सेनाको कार्यभार सम्हाल्दैछन् ।
काठमाडौं । राष्ट्रिय मानव अधिकार आयोगले भदौ २३ र २४ गते भएका घटनाबारे छानबिन गर्न सरकारले गठन गरेको न्यायिक छानबिन...
काठमाडौं : राष्ट्रिय मानव अधिकार आयोगले जेनजी आन्दोलनका क्रममा भिडलाई उत्तेजित बनाएको र हिंसा भड्काउन भूमिका खेलेको आशंकामा पूर्वप्रधानन्यायाधीश सुशीला कार्की,...
काठमाडौं : राष्ट्रिय मानव अधिकार आयोगले जेन-जी आन्दोलनका क्रममा राष्ट्रिय स्वतन्त्र पार्टीका सभापति रवि लामिछाने अनाधिकृत रूपमा कारागारबाट बाहिरिएको घटनालाई...
