- अनामनगर काठमाडौँ
- infobikalpa21@gmail.com
पाईबाट ग्याँस आउँछ भनेर प्रधानमन्त्री केपी शर्मा ओलीको भाषणा सुनेर कतिले प्रशंसा गरे भने कतिले हावादारी कुरा भनेर उडाए तर विराटनगर–१४ जतुवाका वासिन्दाले भने पाईपबाटै ग्याँसको उपयोग गर्न पाएका छन् । जतुवाका ३२ घरले बिहीबारदेखि पाइपबाट आएको ग्यासमा नियमित खाना पकाउन थालेका छन् । करिब १ वर्षअघिको योजना साकार हुँदा स्थानीय खुसी पनि भएका छन् । करिब ६५ लाखको लागतमा सो परियोजना सञ्चालन भएको हो ।
स्थानीय श्रीकृष्ण गौसेवा सदनले नेपाल ऊर्जा विकास कम्पनीको सहयोगमा करिब ८५ परिवारलाई वैकल्पिक ऊर्जा पाइपमार्फत भान्सासम्म पु¥याउने लक्ष्य लिएको हो । पहिलो चरणअन्तर्गत ३२ परिवारमा ग्याँस पाइप जडान गरिएको छ । लगातार काम भइरहेको परियोजनामा चाँडै अन्य घरधुरीमा पनि पाइप जोडिने कम्पनीका प्राविधिक हरिशरण श्रेष्ठले जानकारी दिए ।
गौशालादेखि हरेक उपभोक्ताको घरमा जमिनमुनि पाइप गाडी ग्याँस पठाउने व्यवस्था गरिएको छ । चुल्होमा जोड्नुपूर्व ग्याँसको मिटर राखिएको छ भने यसले कति खपत गरिन्छ सोहीअनुसार बिल गौसेवा सदनलाई भुक्तान गर्नुुपर्ने हुन्छ । एलपी ग्याँसभन्दा एक सिलिन्डरबराबरको अर्थात् १४ केजी ग्याँसको मूल्य ३ सय कम पर्न जान्छ ।
किफायती र भरपर्दाे समेत भएको हुँदा यसले उपभोक्तालाई राहत हुने उनको भनाइ छ । सुरुका एक वर्षसम्म कम्पनीले नै प्राविधिक सहयोग जुटाइदिने हुँदा बाँकी समयमा लागि स्थानीय प्राविधिक तयार पारिने कम्पनीको योजना छ । गौ सेवा सदनमा पाका गाई र बाच्छा बाच्छी गरी २ सय ५ चौपाया रहेका छन् । ०४२ सालमा स्थापना भएको सामुदायिकस्तरको उक्त गौशालाबाट निस्किएको गोबर कसरी सदुुपयोग गर्ने भन्ने समितिले छलफल चलाएको थियो ।
गोबरलाई हरेक दिन ग्याँस प्लान्टमा राखिन्छ । ग्याँस बनेर भण्डार भएपछि सीधै सर्वसाधारणको भान्सामा पुुग्छ भने बाँकी ठोस पदार्थलाई खुला प्लान्टमा राखिन्छ । जैविक किरालाई खुवाएर कुहिने बनाएपछि ९० दिनमा कम्पोस्ट मल तयार हुन्छ । यसरी तयार भएको मल बजारमा प्रतिकेजी १२ रुपैयाँसम्म बिक्री हुने गरेको समितिले जनाएको छ । ५ सय गाई अट्ने क्षमता भएको गौशालामा थप गाई थपिने र वैकल्पिक ऊर्जाको क्षमतालाई पनि बढाउँदै जाने योजना रहेको कम्पनीले जनाएको छ ।
काठमाडौं : आगामी फागुन २१ गते हुने प्रतिनिधिसभा सदस्य निर्वाचनको प्रत्यक्षतर्फका लागि मंगलबार देशभर उम्मेदवारी दर्ताको कार्यक्रम हुँदैछ। निर्वाचन आयोगले...
काठमाडौं : नेपाली कांग्रेसले प्रतिनिधिसभा निर्वाचनका लागि धमाधम उम्मेदवारको टुंगो लगाइरहेको छ । सभापति गगन थापाले ३२ क्षेत्रका लागि उम्मेदवारको...
काठमाडौं : नेपाली कांग्रेसले प्रतिनिधिसभा निर्वाचनका लागि धमाधम उम्मेदवारको टुंगो लगाइरहेको छ । सभापति गगन थापाले कर्णाली, सुदूरपश्चिमलगायतका टाढाका जिल्लाका लागि उम्मेदवारको...
