- अनामनगर काठमाडौँ
- infobikalpa21@gmail.com
काठमाडौं । प्रधानन्यायाधीश चोलेन्द्र शमशेर जबराको राजीनामा माग्दै नेपाल बार एशोशिएशनले दिएको समयसीमा आज (मंगलबार) सकिदैछ । राजीनामा दिन नेपाल बारले प्रधानन्यायाधीश जबरालाई पाँचदिनको समयसीमा तोकेको थियो ।
नेपाल बारको अगुवाइमा आजपनि (मंगलबार कात्तिक १६ ) कानून व्यवसायीहरुले तेस्रो दिनको विरोध कार्यक्रम कालोपट्टी बाँधेर गरेका छन् । सर्वोच्च अदालत परिसरमा कानून व्यवसायीहरुले कालोपट्टी बाँधेर धर्ना दिएका हुन् ।
कानून व्यवसायीहरुले कात्तिक १४ गतेदेखि दबावस्वरुप सर्वोच्च अदालत परिसरमा एक घण्टा धर्ना दिंदै आएको छन् । उनीहरुले प्रधानन्यायाधीशले अदालतमा भएका विकृति, विसंगति, भ्रष्टाचार रोक्न नसकेको र न्यायपालिकाको स्वच्छता, गरिमा कायम राख्न नसकेको आरोपमा लगाउँदै आएका छन् ।
समयसीमाको अन्तिम दिनमा(मंगलबार) पनि राजीनमा नआए थप विरोधका कार्यक्रम घोषणा गर्ने निर्णय नेपाल बार एशोसिएशनले यसअघि नै गरेको छ ।
यता प्रधानन्यायाधीश जबराले आफु संविधान अनुसार प्रधानन्यायाधीश भएकोले कसैले सडकबाट राजीनामा माग्दैमा आफु नदिने र संवैधानिक व्यवस्थाअनुसार नै जाने अडान राख्दै आएका छन् ।
काठमाडौं : भारतले बाढी तथा पहिरो प्रभावित नेपालका नागरिकका लागि दोस्रो खेपमा ३७.५ टन मानवीय सहायता तथा विपद् राहत सामग्री,...
काठमाडौँ : चीनको तिब्बत हुँदै रसुवाको भोटेकोशीमा आएको बाढीमा परी ज्यान गुमाउनेको संख्या ३५९ पुगेको छ । नेपाल प्रहरीले दिएको...
काठमाडौं : सर्वोच्च अदालतले नेपाली कांग्रेसका पूर्वसभापति शेरबहादुर देउवा र निवर्तमान कार्यवाहक सभापति पूर्णबहादुर खड्काले दायर गरेको रिटमा अन्तरकालीन आदेश...
