प्रधानन्यायाधीशलाई पदच्यूत गर्न निर्णायक आन्दोलन गर्छौंः बार अध्यक्ष श्रेष्ठ

काठमाडौं । प्रधानन्यायाधीश चोलेन्द्र शमशेर जबरालाई पदच्यूत गर्न निर्णायक आन्दोलन गर्ने चेतावनी नेपाल एशोसिएसनका अध्यक्ष चण्डेश्वर श्रेष्ठले दिएका छन् । प्रधानन्यायाधीश जबराको राजीनामा माग्दै बारले आयोजना गरेको विरोध कार्यक्रममा अध्यक्ष श्रेष्ठले न्यायालयमा ब्याप्त भ्रष्टचारको नेतृत्व जबराले गरेको आरोप लगाउँदै पदच्यूत गर्ने चेतावनी दिएका हुन् ।

कात्तिक १४ गतेबाट बारले शान्तिपूर्ण रूपमा प्रर्दशन गर्दै आए पनि प्रधानन्यायाधीशको निर्देशनमा आज प्रहरी हस्तक्षेप गराइएको आरोप लगाउँदै भोलिकाे प्रर्दशनले प्रधानन्यायाधीश जबरालाई सर्वोच्च अदालतभित्र प्रवेश रोक लगाउने बताए । राजीनामाको मागसहित सर्वोच्च अदालत परिसरमा भएको बिरोध प्रदर्शनमा प्रहरीले हस्तक्षेप गरेको थियो ।

हस्तक्षेपका क्रममा केहि पर्दशनकारीहरु घाइते भएका छन् । हस्तक्षेपपछि कानून व्यवसायीहरुले सर्वोच्च परिसरमा चर्काचर्का नारावाजी गरेका थिए । उनीहरुले प्रधानन्यायाधीशविरुद्ध नाराबाजी गर्दै प्रहरी हस्तक्षेपको बिरोध गरेका थिए ।

प्रहरीको हस्तक्षेपपछि बार एसोसियसनले शुक्रबार सर्वोच्च अदालतमा सम्पूर्ण इजलास बहिष्कार गर्ने जनाएको छ । शुक्रबार बन्दीप्रत्यक्षीकरणका मुद्दाका इजलास पनि बहिष्कार गरिने बारले जनाएको छ । प्रधानन्याधिशनको राजीनामा नआएसम्म आन्दोलनलाई चर्काउने बारले जनाएको हो ।

बेन्च बहिष्कारको विरोध
माइतीघरमा एक समुहले सर्वोच्चका न्यायाधीशहरुले ‘बन्च बहिष्कार’ गरेको बिरोधमा प्रर्दशन गरेको छ । न्यायाधीशहरुको ‘बेन्च बहिष्कार’ले नागरिकहरू न्याय पाउने अधिकार बञ्चित भएकोले बिराेध गरिएकाे बताए ।

प्रर्दशनका क्रममा उनीहरुले बेन्च बहिष्हार अन्त्य गर, दबाबको शासन अन्त्य गर, विधिको शासन कायम गर भन्दै नारावाजी गरेका थिए । उनीहरुले न्याय पाउँने नागरिकहरुको अधिकार कसैलेपनि बञ्चित गर्न नहुने बताएका हुन् ।

भिडियाे…