प्रधानन्यायाधीशज्यू, विचौलियाहरुलाई नियन्त्रणमा राख्नुस्ः अध्यक्ष श्रेष्ठ

नयाँ विकल्प
प्रकाशित मिती: २०७८ कार्तिक २८, १२: २०

काठमाडौं । प्रधानन्यायाधीश चोलेन्द्र शमशेर जबरालाई नेपाल बार एशोसिएसनका अध्यक्ष चण्डेश्वर श्रेष्ठले विचौलियाहरूलाई नियन्त्रणमा राख्न अनुरोध गरेका छन् । प्रधानन्यायाधीश जबराको विरुद्धको आन्दोलनमा सर्वोच्च अदालत भित्रपट्टीबाट धर्नामा रहेका कानून व्यवसायीहरलाई सम्बोदनका क्रममा विचौलियालाई नियन्त्रयण गर्न आग्रह गरेका हुन् ।

विगत दुई सातादेखि प्रधानन्यायाधीश चोलेन्द्र शमशेरको राजीनामा माग्दै सर्वोच्च अदालत बाहिर आन्दोलनरत कानून व्यवसायीहरुले आज (आइतबार) सर्वोच्चको भित्रपट्टी मूलगेटमा धर्ना दिएका थिए । धर्नामा बारका अध्यक्ष क्षेत्रले प्रधानन्यायाधीश जबराले विचौलियाहरुको घुसपैठ गराएर आन्दोलनलाई असफल बनाउने प्रयाश गरेको आरोप लगाउँदै तीनलाई नियन्त्रण गर्न पनि आग्रह गरे । बारको आन्दोलनको विरोधमा प्रधानन्यायाधीश जबराका समर्थकहरुले सर्वोच्च अदालत बाहिरबाट प्रदर्शन गरिरहेका थिए ।

नेपाल बारको अगुवाईमा कानून व्यवसायीहरुले प्रधानन्यायाधीश जबरा मन्त्रिपरिषद् सदस्यको भागबण्डामा मुछिएपछि कात्तिक १४ गतेबाट हातमा कालोपट्टी बाँधेर राजीनामा माग्दै लगातार विरोध प्रर्दशन गरिरहेको छ भने प्रधानन्यायाधीश जबरा सडकले राजीनामा माग्दैमा नदिने अडानमा रहेका छन् ।
यता सर्वोच्च अदालतबारले पनि प्रधानन्यायाधीश जबराले तोकेका इजलास बहिष्कार गर्दै राजीनामा दिन दबाब दिइरहेका छन् ।