सांस्कृतिक रूपमा असफल मुलुकले समृद्धि हासिल गर्न सक्दैनः प्रधानमन्त्री देउवा

काठमाडौं । प्रधानमन्त्री शेरबहादुर देउवाले सांस्कृतिकरूपमा असफल मुलुकले समृद्धि हासिल गर्न नसक्ने बताएका छन् । आइतबार नेपाल प्रज्ञा–प्रतिष्ठानकोे ३६औँ प्राज्ञसभाको उद्घाटन गर्दै भौतिकरुपमा जतिसुकै सम्पन्न भएपनि सांस्कृतिकरुपमा विकास गर्न नसक्ने मुलुकले समृद्धि हासिल गर्न नसक्ने बताएका हुन् ।

नेपाली पौरख र नेपाली गौरवभित्र लुकेर रहेका विविध भाषा, भेषभुषा तथा धर्म संकृतिको व्यापक प्राज्ञिक अनुसन्धान गर्दै देशलाई विश्वसामु चिनाउन नेपाल प्रज्ञा प्रतिष्ठानले महत्वपूर्ण भूमिका खेल्ने विश्वास प्रधानमन्त्री देउवाले व्यक्त गरे । उनले नेपाली विविध भाषा र संकृतिको विकास तथा संवद्र्धनमा सबैले आ–आफ्ना् ठाउँबाट योगदान गर्नुपर्ने बताए ।

त्यस्तै प्रधानमन्त्री देउवाले महाकवि देवकोटा सङ्ग्रहालय निर्माणले देवकोटाप्रति सम्मान हुने उल्लेख गर्दै यस सभाले सांस्कृतिक क्षेत्रमा दूरगामी प्रभाव पार्ने निर्णय गर्ने अपेक्षा व्यक्त गरे ।

कार्यक्रममा संस्कृति, पर्यटन तथा नागरिक उडड्यनमन्त्री प्रेमबहादुर आलेले आफ्नो कार्यकालमा पर्यटन क्षेत्रमा देखिएका समस्या समाधान तथा सुधारका काम गरेर प्राज्ञिक अध्ययन अनुसन्धानका काममा हात्तेमालो गर्दै अगाडि बढ्ने बताए ।

कार्यक्रममा वाङ्मय शताब्दी पुरुष सत्यमोहन जोशीले यसअघि दिदै गरेको बिरेन्द्र प्रज्ञा पुरस्कार बिभिन्न पुरस्कारहरु बितरण बन्द भएको भन्दै यसले नकारात्मक सन्देश जाने बताए । प्रज्ञा प्रतिष्ठानले ऐतिहासिक ग्रन्थहरूको प्रकाशन र पुनः प्रकाशन गरेर भाषिक तथा साहित्यिक क्षेत्रको समृद्धिका लागि योगदान दिन जोड दिए ।

प्रधानमन्त्री देउवाले समारोहमा बहुप्रतिक्षित लेखक÷साहित्यकार परिचयपत्र वितरण गरेका थिए । पूर्व सदस्यसचिव तथा वाङ्मय शताब्दी पुरुष सत्यमोहन जोशी, कुलपति गङ्गाप्रसाद उप्रेती, पूर्वकुलपति वैरागी काइँला र पूर्व सदस्यसचिव गीता केशरीलाई लेखक÷साहित्यकार परिचयपत्र वितरण गरिएको थियो ।

भिडियाे…