भरतपुर कांग्रेसका वडा सभापतिहरूले गरे चुनावी तालमेलका नाममा गठबन्धन नमान्ने निर्णय

प्रभास दैलेखी
प्रकाशित मिती: २०७८ चैत्र २९, १८: २५

चितवन । सत्तारुढ पाँच दलीय गठबन्धनले आगामी निर्वाचनमा सबै स्थानीय निकायहरुमा आवश्यकता र औचित्यका आधारमा गठबन्धन गर्ने निर्णय गरी सकेका छन् । गबन्धनका शीर्ष नेताहरुले आफ्ना नेता तथा कार्यकर्ताहरुलाई गठबन्धनका उम्मेदवारहरुलाई जिताउन सयुक्त उपीलसमेत गरिसकेका छन् ।

गठबन्धनका दलहरु नेपाली काँग्रेस र नेकपा माओवादी केन्द्रले चितवनको भरतपुर महानगरपालिकामा आफ्नो नेतृत्व आफ्नो पक्षमा हुनु पर्ने दाबी गरिरहेका छन् । यसअघि नेकपा माओवादी केन्द्रले जितेको महानगरमा माओवादीले अहिले पनि महानगरको नेतृत्व आफ्नो पक्षमा हुनुपर्ने दाबी पेश गर्दै आएको छ ।

स्थानीय गठबन्धनका नेता तथा कार्यकर्ताहरु आ–आफ्नो नेतृत्व हुनुपर्ने दाबा पेस गरिरहेकाले गठबन्धनमा भरतपुर महानगरपालिकाको नेतृत्वबारे पेचिलो बन्दै गएको छ । महानगरको टिकट नेपाली काँग्रेसको केन्द्रले सिफारिस गर्ने भएकाले चितवनका स्थानीय नेता तथा कार्यकर्ताहरुको एक डेलिगेशनको टोलीले प्रधानमन्त्री देउवासहितका केन्द्रीय नेताहरुलाई भेटेर फर्किसकेका छन् ।

यता, चितवन काँग्रेसले केन्द्रीय गठबन्धनले चुनावी तालमेल गरे पनि भरतपुरको नेतृत्वमा नेपाली काँग्रेसले उक्त निर्णय नमान्ने बताएको छ । नेपाली कांग्रेसको भरतपुर महानगरपालिकाका वडा सभापतिहरुले महानगरपालिकाको कुनै पनि पदमा गठबन्धन नगर्न पार्टी नेतृत्वलाई पहिले देखि नै खबरदारी गरिरहेका छन् ।

हालै नेपाली काँग्रेस कार्यालय भरतपुरमा २७ जना वडासभापतिको बैठकले महानगरपालिकाको मेयर, उपमेयर, वडाअध्यक्ष र वडासदस्य सबै पदमा पार्टीकै उम्मेदवार हुनुपर्ने निर्णय गर्दै कुनै पदमा तालमेल गरी अरु दललाई दिएमा स्वतन्त्र उम्मेदवारी दिने चेतावनी निर्णय गरेका छन् ।
वडा सभापतिहरुले निर्णय गरेर चितवन जिल्ला सभापति राजेश्वर खनाललाई बुझाएका हुन् । सभापति खनालले उक्त निर्णयसहितको पत्र आफुले पाएको र यसलाई प्रदेश कार्यसमिति मार्फत केन्द्रमा पठाइने बताए । यसअघि पनि चितवन काँग्रेसले पार्टी केन्द्रलाई पटकपटक यसबारे जानकारी गराइसकेकाले पार्टी केन्द्र स्थानीय पार्टी समितिको भावना विपरित नजाने बताए ।

यस्तो छ निर्णय…