- अनामनगर काठमाडौँ
- infobikalpa21@gmail.com
काठमाडौं : नेपाल अडिटर्स एसोसिएसन (अडान) ले आफ्नो २१औं स्थापना दिवसको अवसरमा सामाजिक उत्तरदायित्व अन्तर्गत राहत वितरण कार्यक्रम सम्पन्न गरेको छ।
विभिन्न पेशा–व्यवसायसँग आबद्ध संस्थाहरूले समाज सेवामा योगदान दिँदै आएका छन्। सोही उद्देश्यका साथ लेखा प्रणालीलाई व्यवस्थित बनाउने र पेशागत विकासमा टेवा पुर्याउने लक्ष्यले स्थापना भएको अडानले दुई दशकभन्दा बढी समयदेखि निरन्तर सक्रिय भूमिका निर्वाह गर्दै आएको छ।
स्थापना दिवसको अवसरमा अडान काठमाडौं जिल्ला समितिद्वारा आयोजित कार्यक्रममा गोकेर्णेश्वर नगरपालिका–५, जोरपाटीस्थित बाल शिक्षा तथा संरक्षण केन्द्रका ११० जना विद्यार्थी, जोखिममा परेका व्यक्तिहरू, गलैंचा मजदुर, अति विपन्न वर्ग, अभिभावकविहीन बालबालिका तथा घरेलु श्रमिक बालबालिकाहरूलाई सहयोग प्रदान गरिएको हो।
कार्यक्रममा अडानले सहयोगस्वरूप रु. २५,१५५ बराबरको चेक संस्थाका महासचिवलाई हस्तान्तरण गरेको थियो। उक्त चेक अडानका केन्द्रीय अध्यक्ष बद्रीप्रसाद भट्टराई र काठमाडौं जिल्ला अध्यक्षले संयुक्त रूपमा प्रदान गरेका हुन्।
कार्यक्रममा अडानका केन्द्रीय उपाध्यक्ष प्रेमबहादुर श्रेष्ठ, उपमहासचिव रामगोपाल श्रेष्ठ, उपत्यका प्रदेश उपाध्यक्ष हरेन्द्रराज घिमिरे, काठमाडौं जिल्ला समितिका पदाधिकारी तथा सदस्यहरू, विद्यालयका शिक्षक–शिक्षिका र बालबालिकाहरूको उल्लेख्य उपस्थिति रहेको थियो।
अडिटर दानाप्रसाद अधिकारीका अनुसार कार्यक्रममा करिब १५ जना लेखापरीक्षकसहित विभिन्न संघ–संस्थाका प्रतिनिधिहरूको सहभागिता रहेको थियो।
काठमाडौं : विश्व कीर्तिमानी पर्वतारोही निर्मल पुर्जा (निम्स दाइ)को निधन भएको छ । पुर्जा संस्थापक रहेको संस्था इलाइट एक्सपेडले शनिबार...
काठमाडौं : देशभर मनसुनी वायुको प्रभाव कायम रहेको तथा मनसुनको न्यूनचापीय रेखा पश्चिम नेपालमा सरदर स्थानभन्दा दक्षिणतिर र पूर्वी नेपालमा...
काठमाडौं : सुनसरी घटनाको विरोधमा सिरहाको गोलबजारमा भएको प्रदर्शनका क्रममा प्रहरीको गोली लागेर मृत्यु भएका औरही गाउँपालिका– २, तुलसियाहीका १५...
