- अनामनगर काठमाडौँ
- infobikalpa21@gmail.com
काठमाडौं : नेपाली कांग्रेसले १५औं महाधिवेशनको निर्वाचन प्रक्रियालाई व्यवस्थित बनाउन उम्मेदवारका लागि कडाइका प्रावधानसहित ‘निर्वाचन निर्देशिका, २०८३’ जारी गरेको छ ।
केन्द्रीय निर्वाचन समितिले जारी गरेको निर्देशिकाले वडा तहदेखि केन्द्रीय कार्यसमितिसम्म हुने निर्वाचनका लागि उम्मेदवारी, प्रचारप्रसार, मतदान र मतगणनासम्बन्धी प्रक्रिया स्पष्ट पारेको छ ।
निर्देशिकाअनुसार उम्मेदवारले प्रचारका क्रममा जुलुस, कोणसभा वा अन्य कार्यक्रम गर्दा मर्यादित र अनुशासित व्यवहार गर्नुपर्नेछ । उम्मेदवारको नाम वा चुनाव चिह्न अंकित टोपी, भेस्ट, ज्याकेट, मास्कलगायतका सामग्री प्रयोग गर्नसमेत रोक लगाइएको छ ।
त्यस्तै, सार्वजनिक स्थलमा होहल्ला गर्ने, निर्वाचन प्रयोजनका लागि सवारीसाधनको दुरुपयोग गर्ने तथा बालबालिकालाई निर्वाचनसम्बन्धी गतिविधिमा सहभागी गराउन नपाइने व्यवस्था गरिएको छ ।
निर्देशिकाले महाधिवेशनका विभिन्न तहका लागि उम्मेदवार हुन आवश्यक पर्ने न्यूनतम योग्यता र शुल्कको पनि स्पष्ट विवरण दिएको छ । वडा तहदेखि केन्द्रीय तहसम्मको उम्मेदवारी शुल्क तोकिएको छ, जसमा केन्द्रीय सभापति पदका लागि ४० हजार, उपसभापति र महामन्त्रीका लागि ३० हजार, सहमहामन्त्रीका लागि २० हजार केन्द्रीय र सदस्यका लागि ११ हजार रुपैयाँ तोकिएको छ ।
प्रदेश सभापतिका लागि २० हजार, उपसभापति र महामन्त्रीका लागि १५ हजार, सहमहामन्त्रीका लागि १० हजार र प्रदेश सदस्यका लागि पाँच हजार उम्मेदवार शुल्क तोकेको छ । कार्यविधिमा वडा सभापतिका लागि १ हजार जिल्ला सभापतिका लागि १५ हजार शुल्न निर्धारण गरेको छ ।
कांग्रेस सभापतिमा उम्मेदवारी दिनका लागि महाधिवेशन प्रतिनिधिबाट १० जना प्रस्तावक र १० जना समर्थक राख्नुपर्ने व्यवस्था गरिएको छ । केन्द्रीय उपसभापति र केन्द्रीय महामन्त्रीका लागि उम्मेदवार सात जना प्रस्तावक र सात जना समर्थक हुनुपर्नेछ । केन्द्रीय सहमहामन्त्रीका लागि पाँच जना प्रस्तावक र पाँच जना समर्थक तथा केन्द्रीय सदस्यका लागि तीन जना प्रस्तावक र तीन जना समर्थक आवश्यक पर्नेछ ।
काठमाडौं : नेपाली कांग्रेस बागमती प्रदेश कार्यसम्पादन समितिले पार्टीको १५औं महाधिवेशन अन्तर्गतका तल्ला तहका अधिवेशनहरूलाई भव्यताका साथ सम्पन्न गर्न आह्वान...
काठमाडौं : नेपाली कांग्रेसका सभापति गगनकुमार थापाले पार्टीको १५औं महाधिवेशनलाई लक्षित गर्दै सम्पूर्ण नेता, कार्यकर्ता र शुभेच्छुकलाई सक्रिय सहभागिताका लागि...
काठमाडौं : सरकारले बाढी प्रभावित क्षेत्रमा क्षतिग्रस्त १२ वटा झोलुङ्गे पुलको मर्मत सुरु गरेको छ । पूर्वाधार विकास मन्त्रालयका अनुसार...
