- अनामनगर काठमाडौँ
- infobikalpa21@gmail.com
काठमाडौं : नेपाली कांग्रेसको १५औं महाधिवेशन निर्धारित मितिभन्दा दुई दिन पछि सरेको छ । यसअघि असोज १६ गते उद्घाटन गर्ने तय गरिएको महाधिवेशन अब असोज १८ गते आयोजना हुने भएको हो ।
पार्टी केन्द्रीय कार्यालयका कार्यवाहक मुख्य सचिव कृष्णप्रसाद दुलालले जारी गरेको विज्ञप्तिअनुसार, महाधिवेशनको उद्घाटन समारोह असोज १८ गते दिउँसो २ बजे काठमाडौंको खुलामञ्चमा हुनेछ ।
हाल देशका विभिन्न स्थानमा वडा, गाउँपालिका तथा नगरपालिका तहका अधिवेशन सम्पन्न भइसकेका छन् भने प्रदेश सभा क्षेत्रीय र प्रतिनिधिसभा क्षेत्रीय अधिवेशन प्रक्रिया जारी रहेको कांग्रेसले जनाएको छ । तर, पछिल्ला दिनमा परेको भारी वर्षाका कारण केही क्षेत्रमा अधिवेशन तथा महाधिवेशन प्रतिनिधि चयन प्रक्रिया प्रभावित भएको बताइएको छ ।
निर्वाचन समिति तथा पार्टीका विभिन्न तहबाट प्राप्त जानकारीअनुसार प्रतिनिधि चयन प्रक्रिया असोज १५ गतेसम्म पनि जारी रहने देखिएपछि महाधिवेशन उद्घाटनको मिति सारिएको हो ।
कांग्रेसले असहज मौसमजन्य अवस्थालाई मध्यनजर गर्दै सबै प्रक्रिया व्यवस्थित रूपमा सम्पन्न गर्न महाधिवेशन दुई दिन पर सारिएको स्पष्ट पारेको छ ।
काठमाडौं : सरकारले प्रशासन सेवातर्फका १७ जना सहसचिवको सरुवा गरेको छ। मंगलबार बसेको मन्त्रिपरिषद् बैठकले विभिन्न मन्त्रालय, आयोग, बोर्ड तथा...
काठमाडौं : नेपाली जनसम्पर्क समिति क्यानडाले चैाथो अधिवेशनबाट निर्वाचित कार्यसमिति तथा महाअधिवेशन प्रतिनिधिको प्रतिवेदन हस्तान्तरण गरेको छ। नेपाली कांग्रेसका केन्द्रीय...
काठमाडौं : नेपाली कांग्रेसको १५औं महाधिवेशनअन्तर्गत प्रतिनिधिसभा क्षेत्रीय अधिवेशन जारी रहेको छ । क्षेत्रीय अधिवेशन सम्पन्न गरी महाधिवेशन प्रतिनिधिको नामावली...
